ସମ୍ବଲପୁର ଜିଲ୍ଲା ଯୁଯୋମୁରା ଥାନା ଅନ୍ତର୍ଗତ ମୁଣ୍ଢେର ପ୍ରାଥମିକ ବିଦ୍ୟାଳୟ, ଜାମଟାଲ ପ୍ରାଥମିକ ବିଦ୍ୟାଳୟ ଓ କଂସର ମାଧ୍ଯମିକ ସ୍କୁଲ୍ ଠାରେ ଗତ ରାତିରେ ଏକାସାଥିରେ ଚୋରି ହୋଇଥିବା ନେଇ ସୂଚନା ମିଳିଛି। 

ସୂଚନା ଅନୁସାରେ କଂସର ଏମ୍ ଇ ସ୍କୁଲ ଠାରୁ ଇନଭେଟର ଓ ବ୍ୟାଟେରୀ ସହ ଆଲମିରାରୁ କିଛି ଟଙ୍କା ଚୋରି ହୋଇଛି। ସେହିଭଳି ଜାମଟାଲ ପ୍ରାଥମିକ ବିଦ୍ୟାଳୟରୁ ମ୍ୟୁଜିକ ସିଷ୍ଟମ ଓ ମୁଣ୍ଢେର ପ୍ରାଥମିକ ବିଦ୍ୟାଳୟରୁ ସ୍ମାର୍ଟ ଟିଭି ଚୋରି ହୋଇଛି । ତେବେ ଚୋରମାନେ ବିଦ୍ୟାଳୟ ଗୁଡିକର କବାଟ ଭାଙ୍ଗି ଚୋରି କରିଥିବା ବେଳେ ବିଦ୍ୟାଳୟ ଗୁଡ଼ିକର ଆଲିମିରା ଗୁଡ଼ିକୁ ମଧ୍ୟ ଭାଙ୍ଗିଥିବା ନେଇ ଜଣାପଡ଼ିଛି। ଏନେଇ ଥାନାରେ ଲିଖିତ ଅଭିଯୋଗ ହେବାସହ ପୋଲିସ ଘଟଣା ସ୍ଥଳରେ ପହଞ୍ଚି ଅଧିକ ତଦନ୍ତ ଆରମ୍ଭ କରିଛି।ତେବେ ଚୋରି ଘଟଣାର ସୁଚନା ପାଇବାପରେ ବ୍ଲକ୍ ଶିକ୍ଷା ଅଧିକାରୀ ଉଜାଗର ପଧାନ ନିଜେ ଆଜି ଘଟଣା ସ୍ଥଳରେ ପହଞ୍ଚି ପରିସ୍ଥିତି ଅନୁଧ୍ୟାନ କରିଥିବା ନେଇ ସୂଚନା ମିଳିଛି।