ଦେବାଳିଆ ଥିବା ପାକିସ୍ତାନର ଦୁର୍ଦ୍ଦଶା କମିବା ବଦଳରେ ବଢିବାରେ ଲାଗିଛି । ଦିନକୁ ଦିନ ସ୍ଥିତି ଆହୁରି ସଙ୍ଗୀନ ହେଉଛି । ଲୋକେ ମୁଦ୍ରାସ୍ଫୀତିର ଶିକାର ହୋଇଛନ୍ତି । ପାକିସ୍ତାନବାସୀଙ୍କ ଜୀବନ ଦୟନୀୟ ହୋଇଯାଇଛି । ଖାଦ୍ୟ, ପାନୀୟ କଥା ନକହିବା ଭଲ । ଅଟା ପାଇଁ ଯେଉଁଠି ଲାଇନ ଲଗାଇବାକୁ ପଡୁଛି | ଏବେ ପୁଣି ପେଟ୍ରୋଲ ଦର ଆକାଶ ଛୁଆଁ | ଆସନ୍ତା ଫେବୃଆରୀ ୧୭ରେ ନୂତନ ମୂଲ୍ୟ ଘୋଷଣା କରାଯିବ । ଶ୍ରୀଲଙ୍କା ପରି ପାକିସ୍ତାନ ଫରେକ୍ସ ରିଜର୍ଭ ପ୍ରାୟ ଖାଲି ଅଛି । ଗତ ସପ୍ତାହରେ ଏହା ୩ ବିଲିୟନ ଡଲାରରୁ କମ୍ ହୋଇଛି । ଅର୍ଥାତ୍ ଏହାକୁ ସ୍ପଷ୍ଟ ଭାବରେ କହିବାକୁ ଗଲେ ଏକ ମାସ ପର୍ଯ୍ୟନ୍ତ ଦେଶ ଚଳାଇବା ମଧ୍ୟ ପର୍ଯ୍ୟାପ୍ତ ନୁହେଁ । ଖାଦ୍ୟ ସାମଗ୍ରୀଠାରୁ ଆରମ୍ଭ କରି ପେଟ୍ରୋଲିୟମ ସାମଗ୍ରୀ ପର୍ଯ୍ୟନ୍ତ ସବୁକିଛି ଆମଦାନି କରିବାରେ ପାକିସ୍ତାନ ଅସମର୍ଥ ହୋଇଛି । ଏହି କାରଣରୁ ଦେଶରେ ମୁଦ୍ରାସ୍ଫୀତି ଏକ ଅଡୁଆ ସୃଷ୍ଟି କରିଛି । ଜାନୁଆରୀ ୨୯ରେ ପେଟ୍ରୋଲ ଏବଂ ଡିଜେଲର ମୂଲ୍ୟ ବୃଦ୍ଧି କରାଯାଇଥିଲା । ଏବେ ପୁଣିଥରେ ୨୨ ଟଙ୍କା ୨୦ ପଇସା ବୃଦ୍ଧି କରିବାକୁ ନିଷ୍ପତ୍ତି ନେଇଛନ୍ତି ସରକାର । ଫଳରେ ପେଟ୍ରୋଲ ଲିଟର ପିଛା ୨୭୨ ଟଙ୍କା  ଥିବାବେଳେ ୨୮୦ ଟଙ୍କା ହେବାକୁ ଯାଉଛି  | ରିପୋର୍ଟ କରିଛି ଯେ ଟିକସ ଭାରପ୍ରାପ୍ତ ଛୋଟ  ବଜେଟ୍ ଉପସ୍ଥାପନ କରିବାର ମାତ୍ର କିଛି ଘଣ୍ଟା ପରେ ପାକିସ୍ତାନ ବୁଧବାର ରାତିରେ ପେଟ୍ରୋଲ ଏବଂ ଗ୍ୟାସର ମୂଲ୍ୟ ଐତିହାସିକ ସ୍ତରରେ ବୃଦ୍ଧି ହୋଇଛି ।