ନୂଆଦିଲ୍ଲୀ: ଫ୍ଲାଏ ଦୁବାଇ ବିମାନ ସାରା ବିଶ୍ୱକୁ ଚମକାଇ ଦେଇଛି । ଯଦି କ୍ୟାପଟେନ୍ ସ୍ମିତ ମଚ୍ଛାର ନିଜର ବୀରତ୍ୱ ପ୍ରଦର୍ଶନ କରିନଥାଆନ୍ତେ ତାହେଲେ ୧୭୪ ଜଣଙ୍କ ଜୀବନ ଦୀପ କ୍ଷଣିକରେ ଲିଭି ଯାଇଥାଆନ୍ତା । ଏହା ପରେ ଆକ୍ରମଣକାରୀ ସହ-ଚାଳକ (କୋ-ପାଇଲଟ୍)ଙ୍କ ଭୂମିକାକୁ ନେଇ ଅନେକ ପ୍ରଶ୍ନ ଉଠିଛି । ତେବେ ଓମାନୀ କୋ-ପାଇଲଟଙ୍କୁ ନେଇ ବଡ଼ ଖୁଲାସା ହୋଇଛି । ତାଙ୍କ ପରିଚୟ ଓମାନ ନାଗରିକ ହମାମ ଅଲ୍-ହମ୍ମାମୀ ନାମରେ ସ୍ପଷ୍ଟ ହୋଇଛି । ହମାମଙ୍କ ଆତଙ୍କବାଦୀ ସଙ୍ଗଠନ ସହିତ ସମ୍ପର୍କ ଥିବା କିଛି ଗଣମାଧ୍ୟମ ରିପୋର୍ଟ ଦାବି କରିଛନ୍ତି । 

ସ୍ମିତଙ୍କ ଉପରେ ଆକ୍ରମଣ କରିଥିବା କୋ-ପାଇଲଟ୍ ହମାମ ଅଲ୍-ହମ୍ମାମୀଙ୍କ ପରିଚୟ ବାହାରକୁ ଆସିବା ପରେ ସମସ୍ତେ ତାଙ୍କର ସୋସିଆଲ ମିଡ଼ିଆ ଆକାଉଣ୍ଟକୁ ଖୋଳତାଡ଼ କରିଛନ୍ତି । ଯେଉଁଥିରୁ ଜଣାପଡ଼ିଛି ଯେ ହମାମଙ୍କ ଆତଙ୍କବାଦୀ ସଙ୍ଗଠନ ଅଲ୍-କାଏଦା ସହିତ ଜଡ଼ିତ ଅନେକ ଫଟୋ ପୋଷ୍ଟ କରିଛନ୍ତି । 

କିଏ ଏହି ହମାମ ? 

ଅଲ୍ ଅରବିୟା ରିପୋର୍ଟ ଅନୁସାରେ, ହମାମ ଅଲ-ଇମ୍ମାମୀଙ୍କ ବାପା ଓମାନୀ ଏବଂ ମାଆ ସିରିଆର ନାଗରିକ ଅଟନ୍ତି । ସେ ନିଜର ଅଧିକ ଅଧିକ ସମୟ ୟୁଏଇରେ ବିତାଇଛନ୍ତି । ତାଙ୍କ ନିକଟରେ ଦୁଇଟି ନାଗରିକତା ଅଛି ବୋଲି ଦାବି କରାଯାଉଛି । କିନ୍ତୁ ଓମାନ ସରକାର ତାଙ୍କର ନାଗରିକତା ସ୍ପଷ୍ଟ କରିନାହାଁନ୍ତି । ଯଦି ଦୁଇଟି ଦେଶର ନାଗରିକତା ରହିଛି ତେବେ ତାଙ୍କୁ ଇସ୍ରାଏଲ୍ ଯାଉଥିବା ବିମାନରେ କାମ କରିବାକୁ ଅନୁମତି କେମିତି ମିଳିଲା । କାରଣ ଓମାନ ଏବଂ ଇସ୍ରାଏଲ୍ ମଧ୍ୟରେ କୌଣସି ରାଜନୈତିକ ସମ୍ପର୍କ ନାହିଁ । ୨୦୨୦ ମସିହାରେ ଇସ୍ରାଏଲ୍ ଏବଂ ୟୁଏଇ ମଧ୍ୟରେ ସମ୍ପର୍କକୁ ସ୍ୱାଭାବିକ କରିଥିବା 'ଆବ୍ରାହମ୍ ଚୁକ୍ତିନାମା' ଅଧୀନରେ, ସେହି ଦେଶଗୁଡ଼ିକର ପାଇଲଟ୍‌ମାନଙ୍କୁ ତେଲ୍ ଅଭିଭ୍ କୁ ବିମାନ ଚଳାଚଳ କରିବାକୁ ଅନୁମତି ନାହିଁ । 

ପ୍ରାୟ ଆଠ ମାସ ପୂର୍ବେ 'ଫ୍ଲାଇ-ଦୁବାଇ' ରେ ଯୋଗଦେବା ପୂର୍ବରୁ, ଅଲ୍-ହମ୍ମାମି 'ଓମାନ୍ ଏୟାର୍' ଏବଂ ମରକୋର ଜାତୀୟ ବିମାନ ସେବା ସଂସ୍ଥା 'ରୟାଲ୍ ଏୟାର୍ ମାରୋକ୍' ପାଇଁ କାର୍ଯ୍ୟ କରିଥିଲେ। 'ଓମାନ୍ ଏୟାର୍'ରେ କାର୍ଯ୍ୟରତ ଥିବା ସମୟରେ, ତାଙ୍କର କଥିତ ଉଗ୍ରବାଦୀ ମତବାଦ ଯୋଗୁଁ ସେ ଯାଞ୍ଚର ସମ୍ମୁଖୀନ ହୋଇଥିଲେ।

ଏହା ମଧ୍ୟ ଜଣାପଡ଼ିଲା ଯେ ସେ ଚରମପନ୍ଥୀ ୱେବସାଇଟ୍‌ଗୁଡ଼ିକ ପରିଦର୍ଶନ କରୁଥିଲେ । ତାଙ୍କ କାର୍ଯ୍ୟକଳାପକୁ ନେଇ ବଢୁଥିବା ଚିନ୍ତାକୁ ଦୃଷ୍ଟିରେ ରଖି, ଓମାନ୍ ଏୟାର୍ ତାଙ୍କୁ ବିମାନ ଉଡ଼ାଇବା ଦାୟିତ୍ୱରୁ ହଟାଇ ଦେଇଥିଲା ଏବଂ ତାଙ୍କୁ କାର୍ଯ୍ୟାଳୟ ସମ୍ବନ୍ଧୀୟ କାମରେ ନିୟୋଜିତ କରିଥିଲା।

ତଥାପି, ଅଫିସ୍ କାମ ତାଙ୍କୁ ବିଶେଷ ପସନ୍ଦ ଆସିନଥିଲା ଏବଂ ସେ ୨୦୨୫ ରେ ଓମାନ୍ ଏୟାର୍ ଛାଡ଼ିଦେଇଥିଲେ। 'ହମାମ୍ ନାମକ ଏକ ଲିଙ୍କଡ୍‌ଇନ୍ (LinkedIn) ପ୍ରୋଫାଇଲ୍ ଅନୁଯାୟୀ, ସେ ଓମାନ୍ ଏୟାର୍‌ରେ ସାତ ବର୍ଷ ଧରି କାର୍ଯ୍ୟ କରିଥିଲେ। ପରବର୍ତ୍ତୀ ସମୟରେ, ସେ ୨୦୨୫ ମସିହା ଜୁନ୍ ମାସରେ 'ରୟାଲ୍ ଏୟାର୍ ମାରୋକ୍'ରେ ଯୋଗ ଦେଇଥିଲେ ଏବଂ ୨୦୨୬ ମସିହା ଜାନୁଆରୀ ମାସରେ ସେହି ଏୟାରଲାଇନ୍ ଛାଡ଼ିଥିଲେ । ତେବେ, ଏହି ପ୍ରୋଫାଇଲରେ 'ଫ୍ଲାଏଦୁବାଇ' ସହିତ କୌଣସି କାର୍ଯ୍ୟ କରିବା ବିଷୟରେ ଉଲ୍ଲେଖ କରାଯାଇନାହିଁ।

ଏମିତିକି ତାଙ୍କର ଜଣେ ସହଯୋଗୀ କହିଛନ୍ତି ଯେ ବହୁତ ଉଗ୍ରବାଦୀ ବ୍ୟକ୍ତିତ୍ୱର ଥିଲେ । ସେ କୌଣସି ମହିଳା କର୍ମଚାରୀଙ୍କ ସହିତ ହାତ ମଧ୍ୟ ମିଳାଉ ନ ଥିଲେ । ତେବେ ତାଙ୍କର ଆତଙ୍କୀ ସମ୍ପର୍କ ନେଇ କୌଣସି ସରକାରୀ ପୁଷ୍ଟି କରାଯାଇନାହିଁ ।