ନୂଆଦିଲ୍ଲୀ: ଇସ୍ରାଏଲର ଲଢୁଆ ବିମାନ ଶନିବାର ୟମନର ହୁଦୈଦାହ ବନ୍ଦର ନିକଟରେ ହୁତୀ ବିଦ୍ରୋହୀଙ୍କ ଉପରକୁ ଆକାଶରୁ ବୋମାମାଡ଼ କରିଛି। ଏହି ଆକ୍ରମଣ ଘଟଣାରେ ଅତିକମରେ ୩ ଜଣଙ୍କର ମୃତ୍ୟୁ ଘଟିଥିବା ବେଳେ ୮୭ ଜଣଙ୍କର ମୃତ୍ୟୁ ହୋଇଛି। ଏହି ଆକ୍ରମଣ ଇରାନ ସମର୍ଥିତ ସମୂହ ହୁତୀ ଦ୍ବାରା ଇସ୍ରାଏଲର ଆର୍ଥିକ କେନ୍ଦ୍ର ତେଲ ଅଭୀଭ ଉପରେ କରାଯାଇଥିବା ଡ୍ରୋନ୍ ଆକ୍ରମଣ ଘଟଣାର ଦିନକ ପରେ ହୋଇଛି।
ୟମନର ହୁତୀ ଗୋଷ୍ଠୀ ଦ୍ବାରା ପରିଚାଳିତ ଗଣମାଧ୍ୟମ, ସ୍ବାସ୍ଥ୍ୟ ମନ୍ତ୍ରାଳୟ ତରଫରୁ ଦିଆଯାଇଥିବା ବୟାନରେ କହିଛି, ତୈଲ ଡିପୋ ଓ ବିଦ୍ୟୁତ୍ ସବ୍ଷ୍ଟେସନ୍କୁ ଟାର୍ଗେଟ କରାଯାଇଥିଲା। ଏହି ଆକ୍ରମଣରେ ତୈଲ ଡିପୋ ଓ ବିଦ୍ୟୁତ୍ ସବ୍ଷ୍ଟେସନ୍ ଜଳିଯାଇଛି। ହୁଦୈଦାହ ଅନ୍ତର୍ଜାତୀୟ ଗଣମାଧ୍ୟମକୁ କହିଛନ୍ତି ବଡ଼ଧରଣର ଆକ୍ରମଣ ହୋଇଛି। ଭୀଷଣ ଶଦ୍ଦ ଶୁଣାଯାଇଛି। ଆକ୍ରମଣରେ ୩ ଜଣଙ୍କର ମୃତ୍ୟୁ ହୋଇଛି। ସେହିପରି ପାଖାପାଖି ୧୦୦ ଜଣ ଲୋକ ଆହତ ହୋଇଛନ୍ତି।
ଇସ୍ରାଏଲର ସେନା ମୁଖପାତ୍ର କହିଛନ୍ତି, ହୁତୀ ବିଦ୍ରୋହୀମାନେ ଇରାନରୁ ଅସ୍ତ୍ର ଆମଦାନୀ କରିବା ପାଇଁ ବନ୍ଦରକୁ ବ୍ୟବହାର କରିଥିଲେ। ଏଫ୍-୧୫ ଲଢୁଆ ବିମାନରୁ ଆକ୍ରମଣ କରାଯାଇଥିଲା। ଦରକାର ପଡ଼ିଲେ ପୁଣି ଆକ୍ରମଣ କରାଯିବ।