ନୂଆଦିଲ୍ଲୀ: ବାଂଲାଦେଶରେ ବିରୋଧ ପ୍ରଦର୍ଶନ କାରଣରୁ ସ୍ଥିତି ବିଗିଡ଼ିବାରେ ଲାଗିଛି। ଏହି କାରଣରୁ ସେଠାରୁ ଯେତେ ଭାରତୀୟ ଓ ବିଦେଶୀ ଛାତ୍ରଛାତ୍ରୀ ଭାରତ ଆସିଛନ୍ତି, ଏଥିରୁ ଅଧିକାଂଶ ପୁଣି ଥରେ ଫେରିବାକୁ ଚାହୁଁ ନାହାନ୍ତି। ଅନେକ ବିଦେଶୀ ଛାତ୍ରଛାତ୍ରୀଙ୍କ ପାଖରେ ଅର୍ଥ ନାହିଁ। ତେଣୁ ନିଜ ଦେଶକୁ ଫେରିବାରେ ସମସ୍ୟାର ସାମ୍ନା କରୁଛନ୍ତି। ତେଣୁ ଭାରତରେ ରହି ବାଂଲାଦେଶର ସ୍ଥିତି ସ୍ବାଭାବିକ ହେବାକୁ ଅପେକ୍ଷା କରିଛନ୍ତି।
ସୀମା ସୁରକ୍ଷା ବାହିନୀ (ବିଏସ୍ଏଫ୍) ‘ଦକ୍ଷିଣ ପଶ୍ଚିମବଙ୍ଗ ସମ୍ମୁଖ’ର ଡିଆଇଜି ଏକେ ଆର୍ଯ୍ୟ କହିଛନ୍ତି, ଜୁଲାଇ ୨୩ ପର୍ଯ୍ୟନ୍ତ ବାଂଲାଦେଶରୁ ୪୩୧୫ ଛାତ୍ରଛାତ୍ରୀ ବାଂଲାଦେଶରୁ ଭାରତ ଆସିଛନ୍ତି। ଏଥିରେ ୩୦୮୭ ଭାରତୀୟ, ୪୧ ବାଂଲାଦେଶୀ, ୧୧୧୮ ନେପାଳ, ୬୬ ଭୁଟାନ, ୨ ମାଳଦୀପ ଓ ଜେଣ ଛାତ୍ର କାନାଡା ନିବାସୀ। ଅଧିକାଂଶ ଛାତ୍ରଛାତ୍ରୀ ପଶ୍ଚିମବଙ୍ଗକୁ ଆସିଛନ୍ତି। କିଛି ଛାତ୍ର ଆସାମ, ମେଘାଳୟ, ତ୍ରିପୁରା ଓ ମିଜୋରାମ ସୀମାକୁ ଲାଗିଥିବା ଭାରତରେ ଅଛନ୍ତି।
ଜଣେ ଅଧିକାରୀ କହିଛନ୍ତି ଯେ, ବାଂଲାଦେଶରୁ ଆସିଥିବା ଛାତ୍ରମାନେ ସେଠାକୁ ଫେରିଯିବାକ ଚାହୁଁ ନାହାନ୍ତି। ସେମାନଙ୍କୁ ସ୍ବଦେଶ ଫେରିଯିବା ପାଇଁ ଚାପ ପ୍ରୟୋଗ କରାଯାଉ ନାହିଁ। ସେମାନେ ରହିବା ପାଇଁ ଆବଶ୍ୟକ ବ୍ୟବସ୍ଥା କରାଯାଇଛି। ଅନ୍ୟପଟରେ ବାଂଲାଦେଶରେ ବିଗିଡିଥିବା ସ୍ଥିତି ନେଇ କୋଲକାତାସ୍ଥିତ ବିଏସ୍ଏଫ୍ର ସ୍ପେଶାଲ ଡିଜି ପୂର୍ବ କମାଣ ରବି ଗାନ୍ଧୀ ଭାରତ-ବାଂଲାଦେଶ ସୀମାରେ ଅପରେଶନ ଜାରି ରଖିଛନ୍ତି। କିନ୍ତୁ ବାଂଲାଦେଶରେ ବର୍ତ୍ତମାନର ସ୍ଥିତି ଭଲ ହେବାରେ ଲାଗିଛି।