ଖବର ଓଡ଼ିଶା: ପ୍ରତିଦିନ ଆର୍ଟିଫିସିଆଲ୍ ଇଣ୍ଟେଲିଜେନ୍ସ (AI) ସମ୍ବନ୍ଧରେ କିଛି ଖବର ଆସୁଛି । ଧୀରେ ଧୀରେ ସମସ୍ତ କ୍ଷେତ୍ରରେ AIର ବ୍ୟବହାର ଲଗାତର ଭାବେ ବଢ଼ିବାରେ ଲାଗିଛି । ଗୁଗୁଲ୍, ଓପନ୍ଏଆଇ ଏବଂ ମେଟା ମଧ୍ୟ ଏହାକୁ ବହୁଳ ଭାବରେ ବ୍ୟବହାର କରିବା ଆରମ୍ଭ କରିଦେଇଛନ୍ତି । ଟେସଲା ଏବଂ ସ୍ପେସ୍ ଏକ୍ସ ସିଇଓ ଏଲନ୍ ମସ୍କ AIକୁ ନେଇ ପୁଣି ଏକ ବଡ ଘୋଷଣା କରିଛନ୍ତି । ସେ ଦୁନିଆର ସବୁଠାରୁ ଶକ୍ତିଶାଳୀ ଏଇ କ୍ଲଷ୍ଟର ଆଣିବାକୁ ଯାଉଛନ୍ତି । ସୋସିଆଲ ମିଡିଆ ପ୍ଲାଟଫର୍ମ X ରେ ମସ୍କ ଏହି ବିଷୟରେ ସୂଚନା ଦେଇଛି ।
ଏଲନ୍ ମସ୍କ ସୂଚନା ଦେଇ କହିଛନ୍ତି, ଏହି xAI ପ୍ଲାଟଫର୍ମର ନାମ ଗ୍ରକ୍ ବା ଇଂରାଜୀରେ Grok ରଖିଛନ୍ତି । ଏହି xAI ହେଉଛି ମସ୍କଙ୍କର ଏକ ନୂତନ ଷ୍ଟାର୍ଟଅପ୍ । ଯାହା ଉପରେ କ୍ରମାଗତ ଭାବରେ କାମ ଚାଲୁ ରହିଛି । ବର୍ତ୍ତମାନ Xର AI ଷ୍ଟାର୍ଟଅପ୍ xAI ଗ୍ରକ୍ କୁ ବିଭିନ୍ନ ଭାଷା ମଡେଲ୍ ଉପରେ ତାଲିମ ଦେବା ଆରମ୍ଭ ହୋଇଛି । ଆମେରିକାର ମେମ୍ଫିସ୍ ସହରରେ ଏହି ତାଲିମ ଆରମ୍ଭ ହୋଇଛି । ଯାହା ବିଷୟରେ ନିଜେ ଏଲୋନ୍ ମସ୍କ ସୂଚନା ଦେଇଛନ୍ତି । ମେମ୍ଫିସରେ ଏକ ସିଷ୍ଟମ ନିୟୋଜିତ ହୋଇଛି, ଯାହାକି RDMA କପଡ଼ାରେ ୧ ଲକ୍ଷ ଲିକ୍ୟୁଇଡ୍-କୁଲ୍ଡ (ତରଳ-ଥଣ୍ଡା) (Nvidia) H100 AI ଚିପ୍ସ ବ୍ୟବହାର ହୋଇଛି । ଏହା ଦୁନିଆର ସବୁଠାରୁ ଶକ୍ତିଶାଳୀ AI ତାଲିମ କ୍ଲଷ୍ଟର ଅଟେ । ଏଥିପାଇଁ xAI ଟିମ୍, X ଟିମ୍, ଏବଂ Nvidiaକୁ ଏଲନ୍ ମସ୍କ ଧନ୍ୟବାଦ ଦେଇଛନ୍ତି ।