ନୂଆଦିଲ୍ଲୀ: ରୁଷ ସେନାରେ ସେବାରତ ପାଖାପାଖି ୫୦ ଜଣ ଭାରତୀୟ ନାଗରିକ ଏବେ ସ୍ବଦେଶ ଫେରି ଆସିବାକୁ ଚାହାନ୍ତି। ବିଦେଶ ମନ୍ତ୍ରାଳୟ ପକ୍ଷରୁ ଶୁକ୍ରବାର ଏହି ସୂଚନା ଦିଆଯାଇଛି। ବିଦେଶ ମନ୍ତ୍ରାଳୟ କହିଛି, ରୁଷ ସେନାରେ ସେବାରତ ପାଖାପାଖି ୫୦ ଭାରତୀୟ ନାଗରିକ ଭାରତୀୟ ଅଧିକାରୀଙ୍କୁ ସଂପର୍କ କରୁଛନ୍ତି ଯେ, ତାଙ୍କୁ ଛୁଟି ଦେବାରେ ସହଯୋଗ କରନ୍ତୁ। ଉଭୟ ଦେଶ ଏସଂପର୍କରେ ଚିନ୍ତା କରୁଛନ୍ତି।
ୟୁକ୍ରେନ୍ରେ ସଂଘର୍ଷ ପାଇଁ ମୁତୟନ ସହିତ ସେବା କରୁଥିବା ୪ ଜଣ ଭାରତୀୟଙ୍କ ମୃତ୍ୟୁ ହେଲା ପରେ ଭାରତ, ରୁଷ ସେନାରେ ଭାରତୀୟଙ୍କୁ ଭର୍ତ୍ତି ନେଇ କଟକଣା ଲାଗୁ କରିଛି। ଅଧିକାଂଶ ଭାରତୀୟ ରୋସେଇ ଓ ସହାୟକ କର୍ମଚାରୀ ଭାବେ ରୁଷ ସେନାରେ ସେବାରତ ଥିଲେ। ଯୁଦ୍ଧ ସମୟରେ ରୁଷ ସେନା ସହିତ ଯାଇଥିଲେ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିକଟରେ ମସ୍କୋ ଗସ୍ତ କରିଥିଲେ। ଏହି ଅବସରରେ ସେ ରୁଷର ରାଷ୍ଟ୍ରପତି ଭ୍ଲାଦିମୀର ପୁତିନଙ୍କ ସହିତ ଏନେଇ ଆଲୋଚନା କରିଥିଲେ। ଭାରତୀୟ ନାଗରିକମାନେ ଖୁବ ଶୀଘ୍ର ଛୁଟି ଓ ସ୍ବଦେଶ ଫେରି ଆସିବାକୁ ଚାହାନ୍ତି।
ବିଦେଶ ମନ୍ତ୍ରାଳୟର ମୁଖପାତ୍ର ରଣଧୀର ଜୟସ୍ବାଲ ସାମ୍ବାଦିକମାନଙ୍କୁ କହିଛନ୍ତି ରୁଷରୁ ଭାରତୀୟ ନାଗରିକମାନେ ଫେରି ଆସିବାକୁ ଚାହୁଁଛନ୍ତି। ଭାରତୀୟ ନାଗରିକଙ୍କୁ ଫେରାଇ ଆଣିବାର ଉଦ୍ୟମ ନେଇ ପଚରାଯିବାରୁ ସେମାନେ କହିଛନ୍ତି, ରୁଷ ସେନାରେ ସେବାରତ ନାଗରିକ ଓ ତାଙ୍କ ପରିବାର ଅନୁସାରେ ପାଖାପାଖି ୫୦ ଜଣ ଭାରତୀୟ ଛୁଟିରେ ଆସିବାକୁ ସାହାଯ୍ୟ ମାଗିଛନ୍ତି। ଏଦିଗରେ ଉଭୟ ଦେଶ କାମ କରୁଛନ୍ତି।