ନୂଆଦିଲ୍ଲୀ/ୱାଶିଂଟନ୍: ଚଳିତ ବର୍ଷ ଭାରତରେ କ୍ବାର୍ଡ ସମ୍ମିଳନୀ-୨୦୨୪ ଆୟୋଜନ ହେବ। ଏହି ସମ୍ମିଳନୀରେ ଆମେରିକାର ରାଷ୍ଟ୍ରପତି ଜୋ ବାଇଡେନ୍ଙ୍କ ଉପସ୍ଥିତି ନେଇ ହ୍ବାଇଟ୍ହାଉସ୍ ପ୍ରତିକ୍ରିୟା ଦେଇଛି। ହ୍ବାଇଟ୍ହାଉସ୍ ତରଫରୁ ଗୁରୁବାର କୁହାଯାଇଛି ଯେ, ରାଷ୍ଟ୍ରପତି ଜୋ ବାଇଡେନ୍ ଚଳିତ ବର୍ଷ ଭାରତରେ ଆୟୋଜନ ହେବାକୁ ଥିବା କ୍ବାର୍ଡ ଦେଶର ବାର୍ଷିକ ସମ୍ମିଳନୀରେ ଅଂଶଗ୍ରହଣ କରିବାକୁ ନେଇ ଜୋ ବାଇଡେନ୍ ଉତ୍ସାହିତ ଅଛନ୍ତି। କ୍ବାର୍ଡରେ ଅଷ୍ଟ୍ରେଲିଆ, ଜାପାନ, ଭାରତ ଓ ଆମେରିକା ସାମିଲ ଅଛନ୍ତି।
ହ୍ବାଇଟ୍ହାଉସର ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ଜନ କିର୍ବି କହିଛନ୍ତି, ଚଳିତ ବର୍ଷ ଭାରତରେ ଆୟୋଜନ ହେବାକୁ ଥିବା କ୍ବାର୍ଡ ସମ୍ମିଳନୀରେ ଭାରତ ସାମିଲ ହେବ। ବର୍ତ୍ତମାନ କ୍ୟାଲେଣ୍ଡରରେ ଏନେଇ କିଛି ନିର୍ଦ୍ଧାରିତ ହୋଇ ନାହିଁ। ଜୋ ବାଇଡେନ୍ ରାଷ୍ଟ୍ରପତି ନିର୍ବାଚନ ଦୌଡରୁ ବାହାରି ସାରିଛନ୍ତି। ଆମକୁ ମନେ ରଖିବାକୁ ପଡ଼ିବ ଯେ, ତାଙ୍କର ବିଦେଶୀ ନୀତିର ଏଜେଣ୍ଡାକୁ ଆଗକୁ ବଢ଼ାଇବା ପାଇଁ କ’ଣ କରାଯାଇପାରିବ।
ସୂଚନାଯୋଗ୍ୟ, ବାଇଡେନଙ୍କ ପଦକ୍ଷେପ ଯୋଗୁଁ ଅଷ୍ଟ୍ରେଲିଆ, ଜାପାନ, ଭାରତ ଓ ଆମେରିକାକୁ ନେଇ ଗଠନ ହୋଇଥିବା କ୍ବାର୍ଡ ଗଠନ ହୋଇଥିଲା। ରାଷ୍ଟ୍ରପତି ହେବାର ୧୦୦ ଦିନରେ ସେ ୨୦୨୦ରେ କ୍ବାର୍ଡ ଦେଶକୁ ଏକ ଭର୍ଚୁଆଲ ଲିଡରଶିପ ସମ୍ମିଳନୀ ଆୟୋଜନ କରିଥିଲା। କ୍ବାର୍ଡ ହେଉଛି ୪ଟି ଦେଶକୁ ସୁରକ୍ଷା ସୁନିଶ୍ଚିତ କରୁଥିବା ଏକ ସମୂହ। ଏହି ୪ଟି ଦେଶ ସାମୁଦ୍ରିକ ସୁରକ୍ଷା ଓ ବ୍ୟବସାୟ ନେଇ ସହଯୋଗ କରିଥାନ୍ତି।