କାର୍ତ୍ତିକ ଆର୍ୟନ ଫିଲ୍ମ 'ଚନ୍ଦୁ ଚାମ୍ପିଅନ୍' ପାଇଁ ବେଶ ଚର୍ଚ୍ଚାରେ ରହିଛନ୍ତି। ପ୍ରଥମ ସପ୍ତାହରେ ଏହି ଫିଲ୍ମ ୨୦ କୋଟିରୁ ଅଧିକ ବ୍ୟବସାୟ କରିଥିଲା। 'ଚନ୍ଦୁ ଚାମ୍ପିଅନ୍' ପାଇଁ ବେଶ ପ୍ରଶଂସା ସାଉଁଟିଥିବା କାର୍ତ୍ତିକ ଆଗାମୀ ଫିଲ୍ମ 'ଭୁଲ ଭୁଲୈୟା' ର ସୁଟିଂରେ ବ୍ୟସ୍ତ ଅଛନ୍ତି। କାର୍ତ୍ତିକଙ୍କୁ ପ୍ରଥମ ଥର ପାଇଁ ତ୍ରିପ୍ତି ଡିମ୍ରିଙ୍କ ସହିତ ବଡ ପରଦାରେ ଦେଖିବାକୁ ମିଳିବ । ଏହାରି ଭିତରେ ଫିଲ୍ମର ସୁଟିଂକୁ ନେଇ ଏକ ଅପଡେଟ୍ ଆସିଛି।

କାର୍ତ୍ତିକ ଆର୍ୟନ ଓ ତ୍ରିପ୍ତି ଡିମ୍ରି ଫିଲ୍ମର ବାକି କାଷ୍ଟଙ୍କ ସହ କୋଲକାତାରେ ସୁଟିଂ ଆରମ୍ଭ କରିଛନ୍ତି। ତେବେ କାର୍ତ୍ତିକ 'ଚନ୍ଦୁ ଚାମ୍ପିଅନ୍'ର ପ୍ରମୋସନ ପାଇଁ 'ଭୁଲ ଭୁଲୈୟା ୩'ର ସୁଟିଂରୁ ବିରତି ନେଇଥିଲେ। ଅନ୍ୟପକ୍ଷରେ ତ୍ରିପ୍ତି ଡିମ୍ରି ମଧ୍ୟ ଇଟାଲୀର ପାଗକୁ ଉପଭୋଗ କରୁଥିବା ଦେଖିବାକୁ ମିଳିଥିଲା । ଏବେ ସମସ୍ତେ 'ଭୁଲ ଭୁଲୈୟା ୩'ର ସୁଟିଂ ସେଟକୁ ଫେରୁଛନ୍ତି ।

ଏହି ସମୟରେ ଜାତୀୟ ଗଣମାଧ୍ୟମରେ 'ଭୁଲ ଭୁଲୈୟା ୩'ର ସୁଟିଂ ସମ୍ପର୍କରେ ଏକ ନୂଆ ଅପଡେଟ୍ ଶୁଣିବାକୁ ମିଳୁଛି। କୋଲକାତାରେ ଫିଲ୍ମର ଅନେକ ଅଂଶର ସୁଟିଂ ଶେଷ ହୋଇଛି। ନିର୍ମାତା ଓ କାର୍ତ୍ତିକ ମଧ୍ୟ ସେଠାରୁ କିଛି ସୁଟିଂ ବେଳର ଦୃଶ୍ୟ ସେୟାର କରିଥିଲେ । ବର୍ତ୍ତମାନ 'ଭୁଲ ଭୁଲୈୟା ୩'ର ଟିମ ମଧ୍ୟପ୍ରଦେଶରେ ପରବର୍ତ୍ତୀ ଭାଗର ସୁଟିଂ ପାଇଁ ବାହାରିବ।

କାର୍ତ୍ତିକ ଏବଂ ତ୍ରିପ୍ତି ଜୁନ୍ ଶେଷରେ ମଧ୍ୟପ୍ରଦେଶର ଔରଚା ଯିବେ। ଏଠାରେ କିଛି ସ୍ଥାନରେ ଶୁଟିଂ ହୋଇପାରେ ଯାହା ଏକ ମହଲ ପରି ଅନୁଭବ ହେବ । ଔରଚା ରାଜ ମହଲ, ଜାହାଙ୍ଗୀର ମହଲ ଏବଂ ଚତୁର୍ଭୁଜ ମନ୍ଦିର ପାଇଁ ଜଣାଶୁଣା ଏବଂ ଏହି ଅଂଶଗୁଡ଼ିକରେ ଫିଲ୍ମର ଅନେକ ସୀନ ଦେଖିବାକୁ ମିଳିବ ।

ଅଧିକ ପଢନ୍ତୁ : ଗୁଳିମାଡ଼ ଘଟଣାରେ ସଲମାନ ଖାନ କହିଲେ...