ଗତ କିଛି ଦିନ ତଳେ ସଲମାନଙ୍କ ଘରକୁ ଗୁଳିମାଡ ହୋଇଥିଲା । ଏହାକୁ ଆଧାର କରି ପୋଲିସ ସଲମାନ ଖାନଙ୍କ ବୟାନ ରେର୍କଡ କରିଛି। ଏହି ଘଟଣାରେ ୨ ଅଭିଯୁକ୍ତଙ୍କୁ ଗୁଜରାଟ ଭୁଜ୍ରୁ ଗିରଫ କରିଛି ମୁମ୍ବାଇ କ୍ରାଇମବ୍ରାଞ୍ଚ । ବାନ୍ଦ୍ରା ଅଞ୍ଚଳରେ ୨ଜଣ ଅଜଣା ବ୍ୟକ୍ତି ଭାଇଜାନ ସଲମାନଙ୍କ ଘର ଆଗରେ ଗୁଳି ଚଳାଇ ଚମ୍ପଟ ମାରିଥିଲେ । ଗୁଳିମାଡ଼ ଘଟଣାର ଦିନକ ପରେ ଅଭିଯୁକ୍ତଙ୍କୁ ଗିରଫ କରାଯାଇଛି ।
ସୂଚନାଯୋଗ୍ୟ, ଆମେରିକାରେ ଥିବା ଗ୍ୟାଙ୍ଗଷ୍ଟର୍ ଲରେନ୍ସ ବିଷ୍ଣୋଇର ଭାଇ ଅନମୋଲ୍ ବିଷ୍ଣୋଇ ଫାଇରିଂ ପାଇଁ ସବୁ କିଛି ଯୋଜନା ପ୍ରସ୍ତୁତ କରିଥିଲା । ଏଥିପାଇଁ ସାର୍ପ ସୁଟର୍ ରୋହିତ ଗୋଦରାକୁ ଦାୟିତ୍ୱ ଦିଆଯାଇଥିଲା ।
ଗୁଳିମାଡ଼ ଶୁଣିବା ପରେ ହିଁ ତାଙ୍କର ନିଦ ଭାଙ୍ଗିଥିଲା । ଲରେନ୍ସ ଗ୍ୟାଙ୍ଗ ଦ୍ୱାରା ନିଯୁକ୍ତ ସୁଟରମାନେ ୫୮ ବର୍ଷିୟ ଚଳଚ୍ଚିତ୍ର ତାରକାଙ୍କୁ ହତ୍ୟା କରିବା ପାଇଁ ଷଡଯନ୍ତ୍ର କରିଥିଲେ ବୋଲି ପୋଲିସ ଦାବି କରିଛି । ମୁମ୍ବାଇ କ୍ରାଇମ ବ୍ରାଞ୍ଚର ଜଣେ ଅଧିକାରୀଙ୍କ ସମେତ ଏକ ଚାରିଜଣିଆ ଟିମ୍ ଜୁନ୍ ୪ ରେ ସଲମାନ ଖାନଙ୍କ ଘରକୁ ଯାଇ ତାଙ୍କ ବିବୃତ୍ତି ତଥା ତାଙ୍କ ଭାଇ ଅରବାଜ ଖାନଙ୍କ ବିବୃତ୍ତି ରେକର୍ଡ କରିଥିଲେ ।
ପ୍ରାୟ ୬ ଘଣ୍ଟା ଧରି ଜେରା କରାଯାଇଥିବା ଜଣାପଡ଼ିଛି । ସଲମାଲ କହିଥିଲେ ଯେ, ଘଟଣାର ପୂର୍ବ ରାତିରେ ଏକ ପାର୍ଟୀ ପରେ ସେ ବିଳମ୍ବରେ ଶୋଇଥିଲେ । ପରେ ଗୁଳି ଚଲାଯିବାର ଶବ୍ଦ ଶୁଣିଥିଲେ କିନ୍ତୁ ବାହାରେ କାହାକୁ ଦେଖିବାକୁ ପାଇନଥିଲେ ବୋଲି ସେ କହିଛନ୍ତି । ସଲମାନ ଖାନଙ୍କ ବିବୃତ୍ତି ତିନି ଘଣ୍ଟା ପାଇଁ ରେକର୍ଡ ହୋଇଥିବା ବେଳେ ତାଙ୍କ ଭାଇଙ୍କୁ ଦୁଇ ଘଣ୍ଟା ପଚରାଉଚରା କରାଯାଇଥିଲା । ପ୍ରାୟ ୧୫୦ରୁ ଅଧିକ ପ୍ରଶ୍ନ ଉଭୟ ଭାଇଙ୍କୁ ପଚରା ଯାଇଛି ବୋଲି ପୋଲିସ କହିଛି ।
ଅଧିକା ପଢନ୍ତୁ: ଭାଇରାଲ ହେଉଛି ସୋନାକ୍ଷୀଙ୍କ ବିବାହ କାର୍ଡ