ଦୀର୍ଘ ୫ରୁ ୬ବର୍ଷ ପରେ ପୁଣି ଥରେ ରୂପେଲି ପରଦାକୁ ଫେରିଛନ୍ତି ବଲିଉଡର ବେଶ ଲୋକପ୍ରିୟ ଅଭିନେତା ନାନା ପାଟେକର। ନିକଟରେ ନାନା ପାଟେକରଙ୍କ ଫିଲ୍ମ ‘ଦ ଭ୍ୟାକସିନ ୱାର’ ରିଲିଜ ହୋଇଛି । ଗତ ଶୁକ୍ରବାର ଦିନ ଏହି ଫିଲ୍ମ ଟିକୁ ପ୍ରେକ୍ଷାଳୟ ଗୁଡିକରେ ରିଲିଜ କରାଯାଇଛି । ଫିଲ୍ମଟି ରିଲିଜ ହେବା ପରେ ଏଥିରେ ନାନା ପାଟେକର ଏବଂ ଅନ୍ୟ କଳାକାରଙ୍କ ଅଭିନୟକୁ ପ୍ରଶଂସକମାନେ ବେଶ ପ୍ରଶଂସା କରିଛନ୍ତି । ଏହି ଫିଲ୍ମଟି ସତ୍ୟ ଘଟଣା ଉପରେ ଆଧାରିତ । କିପରି କୋଭିଡ-19 ଭାଇରସ ପାଇଁ କୋଟି କୋଟି ଲୋକ ନିଜ ପ୍ରାଣ ହରାଇଥିଲେ ।

ସମସ୍ତେ ଘରେ ବନ୍ଦ ଥିବା ବେଳେ ସେହି ଭାଇରସକୁ ଅଟକାଇବା ପାଇଁ ଭାରତୀୟ ବୈଜ୍ଞାନିକମାନେ କିପରି ନିଜ ଜୀବନକୁ ବାଜି ଲଗେଇ ସମସ୍ତ ସମସ୍ୟାର ସମ୍ମୁଖୀନ କରିଥିଲେ ତାହା ଏହି ଫିଲ୍ମରେ ଦର୍ଶା ଯାଇଛି । ଏହି ଫିଲ୍ମରେ ଗୋଟିଏ ଜର୍ଣ୍ଣି କୁ ଦେଖା ଯାଇଛି । ଇଣ୍ଡିଆ କାଣ୍ତ ଡୁ ଇଟ ଠାରୁ ଇଣ୍ଡିଆ କ୍ୟାନ ଡୁ ଇଟ ପର୍ଯ୍ୟନ୍ତ । ଏହି ଫିଲ୍ମରେ ନାନା ପାଟେକରଙ୍କ ସମେତ ଅନୁପମ ଖେର, ରାଇମା ସେନ, ପଲ୍ଲବୀ ଯୋଶୀଙ୍କୁ ମୁଖ୍ୟ ଭୂମିକାରେ ଦେଖାଯାଇଛି  । 

ରିଲିଜ ପୂର୍ବ ରୁ ଏହି ଫିଲ୍ମଟି ବେଶ ପ୍ରଶଂସା ସାଉଁଟି ସାରିଥିବା ପରେ ମଧ୍ୟ ଫିଲ୍ମଟି ବକ୍ସ ଅଫିସ ରେ ଭଲ ବ୍ୟବସାୟ କରିପାରିଲା ନାହିଁ । ବିବେକ ଅଗ୍ନିହୋତ୍ରୀଙ୍କ ଦ୍ୱାରା ନିର୍ଦ୍ଦେଶିତ ଏହି ଫିଲ୍ମଟି ପ୍ରଥମ ଦିନ କେବଳ 85 ଲକ୍ଷ ଟଙ୍କା ଆୟ କରି ପାରିଥିଲା । ପର ଦିନ ଏହାର ଆୟ ରେ ଟିକେ ବୃଦ୍ଧି ହୋଇଥିଲା । ଯାହାକି 90 ଲକ୍ଷ ରେ ପହଞ୍ଚିଥିଲା । ତୃତୀୟ ଦିନରେ ଫିଲ୍ମଟି 1.75କୋଟି ଟଙ୍କା ଆୟ କରିବାରେ ସଫଳ ହୋଇଥିଲା । ସୂଚନା ଅନୁଯାୟୀ, ଏହି ଫିଲ୍ମଟି 1300ଟି ସ୍କ୍ରିନ ରେ ରିଲିଜ କରାଯାଇଛି । ଏଥିରୁ ଜଣ ପଡୁଛି ଯେ ଫିଲ୍ମଟି ବକ୍ସ ଅଫିସ୍ ରେ ବହୁତ ହିଁ ଫିକା ପଡିଯାଇଛି । ତେବେ ଶେଷ ଦିନରେ ଫିଲ୍ମଟି ବକ୍ସ ଅଫିସରେ ସଫଳ ହୋଇ ପାରିବ କି ନାହିଁ ତାହା ଦେଖିବାକୁ ବାକି ରହିଲା ।