ମୁମ୍ବାଇ: କିଛିଦିନ ତଳେ ଖବର ଆସିଥିଲା ଯେ ଦୀପିକା ପାଦୁକୋନ 'ସ୍ପିରିଟ୍' ଫିଲ୍ମରେ ନଜର ଆସିବେ । ଏଥିପାଇଁ ସେ ମୋଟା ଅଙ୍କର ଫି ନେଇଛନ୍ତି। ତା’ପରେ ପରେ ଖବର ଆସିଲା ଯେ ଦୀପିକା ଫିଲ୍ମ ଛାଡି ଦେଇଛନ୍ତି । ଏହା ସ୍ପଷ୍ଟ ହୋଇନାହିଁ ଯେ ଦୀପିକା ଫିଲ୍ମ ଛାଡି ଦେଇଥିଲେ ନା ତାଙ୍କୁ ଫିଲ୍ମରୁ  ବାହାର କରାଯାଇଥିଲା । କିନ୍ତୁ, ଶନିବାର 'ସ୍ପିରିଟ୍'ର ନିର୍ମାତାମାନେ ଫିଲ୍ମର ନାୟିକାଙ୍କ ନାମ ଘୋଷଣା କରିଛନ୍ତି। ଏହି ଫିଲ୍ମରେ ମହିଳା ମୁଖ୍ୟ ଭୂମିକାରେ ଅଭିନୟ କରିବେ ତୃପ୍ତି ଡିମରି।

ଟି-ସିରିଜ୍ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରିଛି। ଏହା ସହିତ, 'ସ୍ପିରିଟ୍' ଚଳଚ୍ଚିତ୍ରରେ ତୃପ୍ତି ଡିମରିଙ୍କ ନାମ ଘୋଷଣା କରାଯାଇଛି। ପୋଷ୍ଟରେ ଲେଖାଯାଇଛି, "ପରଦା ଉପରେ ଏକ ଶକ୍ତିଶାଳୀ ନୂତନ ଯୋଡ଼ି ଆସିଛନ୍ତି! ପ୍ରଭାସଙ୍କ ମୁଖ୍ୟ ଭୂମିକାରେ ତୃପ୍ତି ଡିମରିଙ୍କୁ ସ୍ୱାଗତ କରି ଆମେ ଖୁସି ବ୍ୟକ୍ତ କରୁଛୁ । ଏହି ଫିଲ୍ମଟି ସନ୍ଦୀପ ରେଡ୍ଡୀ ୱାଙ୍ଗାଙ୍କ ଦ୍ୱାରା ନିର୍ଦ୍ଦେଶିତ।

'ସ୍ପିରିଟ୍' ଫିଲ୍ମର ସୁଟିଂ ୨୦୨୫ ମସିହାରେ ଆରମ୍ଭ ହେବ। ଏହି ଫିଲ୍ମରେ ପ୍ରଭାସ ଏବଂ ତୃପ୍ତି ଡିମିରି ପ୍ରଥମ ଥର ପାଇଁ ଏକ ଫିଲ୍ମରେ ଏକାଠି ନଜର ଆସିବେ। ଦର୍ଶକମାନେ ଏହି ନୂତନ ଯୋଡ଼ିକୁ ପସନ୍ଦ କରିବେ। ଏହା ହେଉଛି ନିର୍ଦ୍ଦେଶକ ସନ୍ଦୀପ ରେଡ୍ଡୀ ୱାଙ୍ଗା, ନିର୍ମାତା ଭୂଷଣ କୁମାର ଏବଂ ପ୍ରଣୟ ରେଡ୍ଡୀ ୱାଙ୍ଗାଙ୍କ ଦ୍ୱିତୀୟ ଚଳଚ୍ଚିତ୍ର। ପୂର୍ବରୁ ତୃପ୍ତି ତାଙ୍କ ଫିଲ୍ମ 'ଆନିମଲ୍'ରେ ନଜର ଆସିଥିଲେ।

ଟି-ସିରିଜ୍ ଏବଂ ଭଦ୍ରକାଳୀ ପିକଚର୍ସର 'ସ୍ପିରିଟ୍' ଏକ ବଡ଼ ସ୍ତରରେ ନିର୍ମିତ ହେଉଛି। ଏଥିରେ ପ୍ରଭାସ ଜଣେ ପୋଲିସ ଅଧିକାରୀଙ୍କ ଭୂମିକାରେ ଅଭିନୟ କରୁଛନ୍ତି। ତୃପ୍ତି ଡିମରି ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ। ବର୍ତ୍ତମାନ ଏହି ଚଳଚିତ୍ରର ପ୍ରି-ପ୍ରଡକ୍ସନ କାର୍ଯ୍ୟ ଚାଲୁଛି । ଏହାର ସୁଟିଂ ଚଳିତ ବର୍ଷ ଆରମ୍ଭ ହେବ।

ତୃପ୍ତି ଡିମରି ମଧ୍ୟ ଏହି ଫିଲ୍ମର ଅଂଶ ହୋଇଥିବାରୁ ଖୁସି ପ୍ରକାଶ କରିଛନ୍ତି। ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ପୋଷ୍ଟଟି ସେୟାର କରି ସେ ଲେଖିଛନ୍ତି, 'ବିଶ୍ୱାସରେ ପରିପୂର୍ଣ୍ଣ ଏହି ଯାତ୍ରା ପାଇଁ ମୁଁ ବହୁତ କୃତଜ୍ଞ'। ଫିଲ୍ମ ପାଇଁ ପ୍ରଶଂସକମାନେ ତୃପ୍ତିଙ୍କୁ ଅଭିନନ୍ଦନ ଜଣାଉଛନ୍ତି।

 

 

 

 

View this post on Instagram

 

 

 

 

 

 

 

 

 

 

 

A post shared by T-Series (@tseries.official)