ରିଲିଜ ହେଲା ‘କର୍ମ’, ପ୍ରଥମ ଦିନରେ ହାଉସ୍ ଫୁଲ୍  

ଏହିଭୁବନେଶ୍ୱର: ଦଶହରା ପୂର୍ବରୁ ସିନେମା ହଲରେ ମୁକ୍ତିଲାଭ କରିଛି ସୁପର ଷ୍ଟାର ଅନୁଭବ ମହାନ୍ତିଙ୍କ ଓଡ଼ିଆ ଚଳଚ୍ଚିତ୍ର ‘କର୍ମ’ । ଭୁବନେଶ୍ୱରସ୍ଥିତ ଶ୍ରୀୟା ଟକିଜରେ ଏହି ଫିଲ୍ମ ରିଲିଜ୍ ହୋଇଯାଇଛି । ପ୍ରଥମ ଦିନରେ ହାଉସ ଫୁଲ୍ ରହିଛି ।  ଫିଲ୍ମ ଦେଖିବା ପରେ ଦର୍ଶକମାନେ ବେଶ ଉତ୍ସାହିତ ରହିଥିବା ଦେଖାଯାଇଛି । ସମସ୍ତଙ୍କ ମୁହଁରେ ସେଇ ଗୋଟି ସେଇ ଗୋଟିଏ ଗୀତ ଗୁଣୁ ଗୁଣୁ ହଉଚି ‘ପୁରା ଚିରିଙ୍ଗ ଚିରିଙ୍ଗ’ । ଫିଲ୍ମ ମୁକ୍ତିଲାଭ ବେଳେ ଅନୁଭବ ତାଙ୍କ ପରିବାର ସହିତ ଉପସ୍ଥିତ ଥିଲେ । ଏହା ସହିତ ଓଡ଼ିଆ ସିନେମା ଜଗତର ଆଗ ଧାଡ଼ିର କଳାକାର ମଧ୍ୟ ସାମିଲ ହୋଇଥିଲେ ।

ଅମୀୟ ପଟ୍ଟନାୟକଙ୍କ ପ୍ରଡକ୍ସନରେ ନିର୍ମିତ ଫିଲ୍ମ ‘କର୍ମ’ରେ ଅନୁପମ ପଟ୍ଟନାୟକ ନିର୍ଦ୍ଦେଶନା ଦେଇଥିବାବେଳେ ସୁପର ଷ୍ଟାର ଅନୁଭବଙ୍କ ଦମଦାର ଅଭିନୟ ଦେଖିବାକୁ ମିଳିଛି । ଏଥିରେ ଅନ୍ୟ କଳାକାରଙ୍କ ମଧ୍ୟରେ ସୂର୍ଯ୍ୟମୟୀ ମହାପାତ୍ର, ଦିବ୍ୟଦିଶା ମହାନ୍ତି ଏବଂ ଚୌଧୁରୀ ଜୟ ପ୍ରକାଶ ପ୍ରମୁଖ ଗୁରୁତ୍ୱ ଚରିତ୍ରରେ ନଜର ଆସିଛନ୍ତି । ଏହି ଫିଲ୍ମର କାହାଣୀ ରଚନା କରିଛନ୍ତି ନିଶାନ୍ତ ମାଜିଥିଆ ଏବଂ ମାନସ ପଢ଼ିହାରୀ । 

ପଟ୍ଟନାୟକଙ୍କର ନିର୍ଦ୍ଦେଶିତ କର୍ମର ଗୀତ ରିଲିଜ ହେବା ପରେ ଫ୍ୟାନ୍ସଙ୍କ ମନରେ ଉତ୍କଣ୍ଠା ବୃଦ୍ଧି ପାଇଥିଲା । ଧରାପୃଷ୍ଠରେ ଜନ୍ମ ନେଇ ଇଶ୍ଵର ମଧ୍ୟ ନିଜ କର୍ମର ଫଳ ପାଇଛନ୍ତି, ସେଠାରେ ମନୁଷ୍ୟ କିଭଳି ବର୍ତ୍ତିବେ । ଯିଏ ଯେଉଁଭଳି କର୍ମ କରିବ ତାର ଫଳ ନିଶ୍ଚିତ ମିଳିବ । ଏଭଳି ବାର୍ତ୍ତା ବର୍ତ୍ତମାନ ସମସ୍ତଙ୍କର ମୁହଁରେ ଶୁଣିବାକୁ ମିଳୁଛି । 

ତେବେ ଅନୁଭବଙ୍କ ମାଆ ଫିଲ୍ମ ଦେଖିଲା ପରେ କହିଛନ୍ତି, ମୋ ପୁଅର ଆକ୍ସନ ମୋତେ ସବୁବେଳେ ପସନ୍ଦ । ଫ୍ଲପ ନୁହେଁ ମୋ ପୁଅ ସବୁବେଳ ହିଟ୍ ବୋଲି ସେ କହିଛନ୍ତି । ଅନ୍ୟପଟେ ତାଙ୍କ ବାନ୍ଧବୀ ଜାଗୃତି ଶୁକ୍ଳା କହିଛନ୍ତି, ଅନୁଭବଙ୍କ କର୍ମ ଫିଲ୍ମ ଦେଖିବା ପରେ ଏବେ ମଧ୍ୟ ମୋ ଆଖିକୁ କିଛି ସିନ୍ ଆସିଯାଉଛି ।