ପୁରୀ: ପିପିଲି ବାଇପାସ୍ ନିକଟରେ ଧଳା ଜହର ଜବତ କରିଛି ଅବକାରୀ ବିଭାଗ ପୋଲିସ । ଅବକାରୀ ବିଭାଗ ଏକ କାର୍ ସହିତ ଦୁଇ ଅଭିଯୁକ୍ତଙ୍କୁ ଗିରଫ କରିଥିବାର ସୂଚନା ମିଳିଛି । ଗିରଫ ଅଭିଯୁକ୍ତ ହେଲେ ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ମୁସଲିମପଡ଼ାର ଇମାମ୍ ଅହମ୍ମଦ ରାଜା(୨୭) ଏବଂ ରାଉଲକେଲା ପ୍ଲାଣ୍ଟସାଇଟ ଅଞ୍ଚଳର ମହମ୍ମଦ ଆବୁ ତଲହା(୨୯) ।

ରାଉରକେଲାରୁ ପୁରୀକୁ ଏକ ମାରୁତି ସୁଜୁକି କାର୍‌ ବ୍ରାଉନସୁଗାର ଯାଉଥିବା ନେଇ ଗୁଇନ୍ଦା ସୂତ୍ରରୁ ଅବକାରୀ ବିଭାଗ ସୂଚନା ପାଇଥିଲା । ଏହା ପିପିଲି ବାଇପାସ୍ ନିକଟରେ କାରଟିକୁ ମାଡ଼ି ବସିଥିଲା ଅବକାରୀ ପୋଲିସ । କାରରୁ ୩୭୮ ଗ୍ରାମ ବ୍ରାଉନ ସୁଗାର ଜବତ ହୋଇଛି । ଜବତ ବ୍ରାଉନ ସୁଗାରର ମୂଲ୍ୟ ୪୦ ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଉଛି । ଏହା ସହିତ ଇମାମ୍ ଅହମ୍ମଦ ରାଜା ଓ ଆବୁ ତଲହାଙ୍କୁ ଗିରଫ କରିଛି । ଉଭୟଙ୍କୁ କୋର୍ଟରେ ହାଜର କରାଯାଇଥିଲା । ମାତ୍ର ଉଭୟଙ୍କ ଜାମିନ ନାମଞ୍ଜୁର ହେବା ପରେ ପୁରୀ କାରାଗାରକୁ ପଠାଇ ଦିଆଯାଇଥିବା ସୂଚନା ମିଳିଛି ।