ବଲିଉଡର କ୍ୱିନ କଙ୍ଗନା ରାନାୱତ ତାଙ୍କ ଫିଲ୍ମ ‘ଚନ୍ଦ୍ରମୁଖୀ ୨’ ସହିତ ବକ୍ସ ଅଫିସରେ ଧମାଲ କରୁଛନ୍ତି। କଙ୍ଗନାଙ୍କୁ ଦର୍ଶକ ପ୍ରଥମ ଥର ପାଇଁ ହରର ଫିଲ୍ମରେ ଦେଖିବାକୁ ପାଇଲେ । ଫିଲ୍ମଟିରେ କଙ୍ଗନା ଚନ୍ଦ୍ରମୁଖୀ ଭୂମିକାରେ ନଜର ଆସିଛନ୍ତି । ଏଥିରେ କଙ୍ଗନାଙ୍କର ଅଭିନୟକୁ ବେଶ ପସନ୍ଦ କରିଛନ୍ତି ଦର୍ଶକମାନେ । ଏହାସହ ଖୁବ ଜଲଦି ଆସିବାକୁ ଯାଉଛି କଙ୍ଗନାଙ୍କ ଅଭିନୀତ ଫିଲ୍ମ ‘ତେଜସ’ । ଏହି ଫିଲ୍ମଟି ଅକ୍ଟୋବର 20ରେ ମୁକ୍ତିଲାଭ କରିବ । ଯେଉଁଥିରେ ଅଭିନେତ୍ରୀ କଙ୍ଗନା ପୁଣି ଥରେ ଏକ ଦମଦାର ଚରିତ୍ରରେ ନଜର ଆସିବେ । ଏହି ଫିଲ୍ମରେ କଙ୍ଗନାଙ୍କୁ ବାୟୁସେନା ପାଇଲଟ ଭୂମିକାରେ ଦେଖିବାକୁ ମିଳିବ। ଫିଲ୍ମରୁ ତାଙ୍କର ପ୍ରଥମ ଲୁକ ସାମ୍ନାକୁ ଆସିବା ପରେ ଫିଲ୍ମକୁ ଦେଖିବା ପାଇଁ ଦର୍ଶକଙ୍କର ଉତ୍ସାହ ଆହୁରି ବଢ଼ିବାରେ ଲାଗିଛି | ଏହି ଫିଲ୍ମଟି ସର୍ଭେଶ ମେୱାରଙ୍କ ନିର୍ଦ୍ଦେଶନା ରେ ତିଆରି କରାଯାଇଛି ।

ତେବେ ଆଜି ଏହି ଫିଲ୍ମର ଟିଜର ରିଲିଜ କରାଯାଇଛି । ଟିଜର ଟି ଭାରତୀୟ ବାୟୁସେନାଙ୍କ ଉପରେ ଆଧାରିତ । ଟିଜର ଟି କଙ୍ଗନାଙ୍କର ଜବରସ୍ତ ଡାଇଲଗ ରୁ ଆରମ୍ଭ ହୋଇଛି । 'ଜରୁରୀ ନହିଁ ହେ ହାର ବାର ବାତଚୀତ ହୋନୀ ଚାହିଏ' ........ 'ଜଙ୍ଗ କେ ମୈଦାନ ମେ ଅବ ଜଙ୍ଗ ହୋନୀ ଚାହିଏ' । ଏହି ଡାଇଲଗ ଟି ଶୁଣିବା ପରେ ଦର୍ଶକମାନେ ମଧ୍ୟ କଙ୍ଗନାଙ୍କର ଭାବନାକୁ ଅନୁଭବ କରି ପାରିବେ । ତାଙ୍କ ଆଖିରେ ତାଙ୍କ ଦେଶ ପାଇଁ ଲଢ଼ିବାର ଆବେଗ ଦେଖା ଯାଉଥିବା ସହ ଭାରତୀୟ ହେବାର ଗର୍ବ ମଧ୍ୟ ଦେଖା ଯାଉଛି । ଏହି ଫିଲ୍ମର ଟିଜରକୁ ଦର୍ଶକମାନଙ୍କର ବେଶ ଭଲପାଇବା ମିଳିସାରିଛି । ତେବେ ଫିଲ୍ମଟି ରିଲିଜ ହେବା ପରେ ବକ୍ସ ଅଫିସ୍ କଣ କମାଲ କରିବା ତାହା ଦେଖିବା ବେଶ ରୋମାଞ୍ଚକ ହେବ ।

ଅଧିକ ପଢନ୍ତୁ: ବକ୍ସ ଅଫିସରେ ବିଫଳ ହେବ କି 'ଦ ଭ୍ୟାକସିନ ୱାର’ ?