ମୁମ୍ବାଇ: ସଲମାନ ଖାନଙ୍କ ରିଆଲିଟି ସୋ' 'ବିଗ୍ ବସ୍ ୧୮'ର ଗ୍ରାଣ୍ଡ ଫିନାଲେ ରବିବାର ବିଳମ୍ବିତ ରାତିରେ ଅନୁଷ୍ଠିତ ହୋଇଛି। ଏହା ସହ ସିଜନ ୧୮ର ବିଜେତାଙ୍କ ନାମ ଘୋଷଣା ମଧ୍ୟ କରାଯାଇଥିଲା। ଚଳିତ ବର୍ଷ କରଣବୀର ମେହରା ବିଗ୍ ବସ୍ ୧୮ ଟ୍ରଫି ଜିତିଛନ୍ତି। ପ୍ରଥମ ଉପବିଜେତା ଭାବେ ଭିଭିଆନ୍ ଡିସେନା ରହିଥିବା ବେଳେ ରଜତ ଦଲାଲ ତୃତୀୟ ସ୍ଥାନ ଅଧିକାର କରିଛନ୍ତି।

ବିଗ୍ ବସ୍ ୧୮ର ଗ୍ରାଣ୍ଡ ଫିନାଲେ ଏଥର ବେଶ୍ ସ୍ପେଶାଲ୍ ଥିଲା। ଶୋ'ର ୧୮ ବର୍ଷର ଇତିହାସରେ ପ୍ରଥମ ଥର ପାଇଁ ବଲିଉଡର ମିଷ୍ଟର ପରଫେକ୍ସନିଷ୍ଟ ଅମୀର ଖାନଙ୍କୁ ମଧ୍ୟ ବିଗ୍ ବସ୍ ମଞ୍ଚରେ ଦେଖିବାକୁ ମିଳିଥିଲା। ଆମୀର ଖାନ୍ ତାଙ୍କ ପୁଅ ଜୁନୈଦ ଏବଂ ଖୁସି କପୁରଙ୍କ ଅଭିନୀତ ଚଳଚ୍ଚିତ୍ର 'ଲଭ୍ ଯାତ୍ରା'ର ପ୍ରମୋସନ୍ କରିବାକୁ ଆସିଥିଲେ। ଏହି ସମୟରେ ସୋ'ର ହୋଷ୍ଟ ସଲମାନ ଖାନଙ୍କ ସହ ଆମୀର ଖାନ ବହୁତ ମଜା କରିଥିଲେ। ଏହି ଦୁଇ ସୁପରଷ୍ଟାର କେବଳ ସେମାନଙ୍କ ଫିଲ୍ମ 'ଅନ୍ଦାଜ ଅପନା ଅପନା'ର ସଂଳାପ ପାଠ କରିନାହାନ୍ତି ବରଂ ଫିଲ୍ମର ଏକ ଗୀତକୁ ରିକ୍ରିଏଟ୍ ମଧ୍ୟ କରିଛନ୍ତି। ଏହି ମୁହୂର୍ତ୍ତ ସମସ୍ତଙ୍କ ପାଇଁ ଅତ୍ୟନ୍ତ ସ୍ପେଶାଲ ହୋଇଯାଇଥିଲା। ବିଗ୍ ବସ୍ ୧୮ର ବିଜେତାଙ୍କ ବିଷୟରେ କହିବାକୁ ଗଲେ ଏଥର ଏହି ସୋ'କୁ କରଣବୀର ମେହେରା ଜିତିଥିଲେ। 

ସୂଚନାଯୋଗ୍ୟ, ସୋ' ଆରମ୍ଭରେ କରଣବୀର ମେହେରାଙ୍କ ଖେଳ ବହୁତ ଦୁର୍ବଳ ମନେ ହେଉଥିଲା। ତେବେ ସିଜିନ୍ ଆଗକୁ ବଢ଼ୁଥିବା ବେଳେ କରଣବୀର ମେହେରା ମଧ୍ୟ ଫର୍ମକୁ ଆସିଥିଲେ। ପୂରା ସୋ' କରଣଙ୍କୁ ନେଇ ଘୂରି ବୁଲୁଥିଲା। ଘରେ ଗଠିତ ଗୋଷ୍ଠୀ ମଧ୍ୟ କରଣଙ୍କ ବିଷୟରେ ଲଗାତାର କଥା ବାର୍ତ୍ତା କରୁଥିବା ଦେଖିବାକୁ ମିଳିଥିଲା। କେବଳ ସେତିକି ନୁହେଁ, ସପ୍ତାହାନ୍ତ ଏପିସୋଡ୍‌ରେ କରଣ ସବୁଠାରୁ ଅଧିକ ଚର୍ଚ୍ଚାରେ ରହିଥିଲେ। ଏହା କରଣବୀର ମେହେରାଙ୍କ ଫାଇଦା ପାଇଁ କାମ କରିଥିଲା ଏବଂ ସେ ମତଦାନ ଟ୍ରେଣ୍ଡରେ ଆଗକୁ ବଢ଼ିଥିଲେ।

ତେବେ ଶୋ' ସମୟରେ ଦେଖାଯାଇଥିବା ଏକ କ୍ଲିପ୍ ରେ ରଜତ ଦଲାଲଙ୍କର ବହୁତ ପ୍ରଶଂସକ ଥିଲେ, ଯାହାଫଳରେ ଲାଗୁଥିଲା ଯେ ଦଲାଲ ବିଜେତା ହୋଇପାରନ୍ତି। କିନ୍ତୁ ତାହା ହୋଇନଥିଲା। କରଣବୀର ମେହେରା ଓ ଭିଭିଆନ୍ ଶ୍ରେଷ୍ଠ ୨ରେ ପହଞ୍ଚିଥିବା ବେଳେ ରଜତ ଦଲାଲ ତୃତୀୟ ସ୍ଥାନରେ ରହିଛନ୍ତି। ଶେଷରେ କରଣ ବିଗ୍ ବସ୍ ୧୮ ଟ୍ରଫି ଏବଂ ୫୦ ଲକ୍ଷ ଟଙ୍କାର ପୁରସ୍କାର ରାଶି ଦାବି କରିଛନ୍ତି। ସୋ'ର ପ୍ରଥମ ଉପବିଜେତା ଭିଭିଆନ୍ ଡିସେନା ଥିବା ବେଳେ ରଜତ ଦଲାଲ ତୃତୀୟ, ଅବିନାଶ ମିଶ୍ର ଚତୁର୍ଥ ଓ ଚୁମ ଦରାଙ୍ଗ ପଞ୍ଚମ ସ୍ଥାନ ଅଧିକାର କରିଛନ୍ତି।

ବିଗ୍ ବସ୍ ୧୮ର ବିଜେତାଙ୍କ ବିଷୟରେ କହିବାକୁ ଗଲେ ଏଥର ଏହି ସୋ' କରଣବୀର ମେହେରାଙ୍କର ଥିଲା। ସୋ' ଆରମ୍ଭରେ କରଣବୀର ମେହେରାଙ୍କ ଖେଳ ବହୁତ ଦୁର୍ବଳ ମନେ ହେଉଥିଲା। ତେବେ ସିଜିନ୍ ଆଗକୁ ବଢ଼ୁଥିବା ବେଳେ କରଣବୀର ମେହେରା ମଧ୍ୟ ଫର୍ମକୁ ଆସିଥିଲେ। ପୂରା ସୋ' କରଣଙ୍କୁ ନେଇ ଘୂରି ବୁଲୁଥିଲା। ଘରେ ଗଠିତ ଗୋଷ୍ଠୀ ମଧ୍ୟ କରଣଙ୍କ ବିଷୟରେ ଲଗାତାର କଥା ବାର୍ତ୍ତା କରୁଥିବା ଦେଖିବାକୁ ମିଳିଥିଲା। କେବଳ ସେତିକି ନୁହେଁ, ସପ୍ତାହାନ୍ତ ଏପିସୋଡ୍‌ରେ କରଣ ସବୁଠାରୁ ଅଧିକ ଚର୍ଚ୍ଚାରେ ରହିଥିଲେ। ଏହା କରଣବୀର ମେହେରାଙ୍କ ଫାଇଦା ପାଇଁ କାମ କରିଥିଲା ଏବଂ ସେ ମତଦାନ ଟ୍ରେଣ୍ଡରେ ଆଗରେ ରହିଥିଲେ।

ଅନ୍ୟପକ୍ଷରେ ବିଗ୍ ବସ୍ ୧୮ରେ ତୃତୀୟ ସ୍ଥାନରେ ଥିବା ରଜତ ଦଲାଲ କହିଛନ୍ତି ଯେ କରଣ ଭାଇ ବିଜେତା ଥିଲେ ଏବଂ ଟ୍ରଫି ପାଇବା ତାଙ୍କ ଭାଗ୍ୟରେ ଥିଲା। ମୁଁ ଭାଗ୍ୟରେ ବିଶ୍ୱାସ କରେ। ତୁମେ ସମସ୍ତେ କଠିନ ପରିଶ୍ରମ କରନ୍ତି, ମୁଁ ମଧ୍ୟ କରେ। କିନ୍ତୁ ଜୀବନରେ, ସମସ୍ତେ ଭିନ୍ନ ଭିନ୍ନ ସ୍ଥାନରେ ଅଛନ୍ତି, ତେଣୁ ଏହା ପରମେଶ୍ବରଙ୍କ କୃପା ଅଟେ।