ରିଲାଏନ୍ସ ଇଣ୍ଡଷ୍ଟ୍ରିଜର ମାଲିକ ମୁକେଶ ଅମ୍ବାନୀ ଏବଂ ନୀତା ଅମ୍ବାନୀ ସାନପୁଅ ଅନନ୍ତ ଅମ୍ବାନୀଙ୍କ ବିବାହରେ ବିପୁଳ ପରିମାଣର ଟଙ୍କା ଖର୍ଚ୍ଚ କରିଥିଲେ। ରାଧିକା ମର୍ଚାଣ୍ଟଙ୍କ ସହ ଅନନ୍ତ ଅମ୍ବାନୀଙ୍କ ବିବାହ ହେଉଛି ଚଳିତ ବର୍ଷର ସବୁଠାରୁ ମହଙ୍ଗା ବିବାହ । ୭  ମାସ ଧରି ଚାଲିଥିବା ବିବାହ କାର୍ଯ୍ୟରେ ଅମ୍ବାନୀ ପରିବାର ପାଣି ପରି ଟଙ୍କା ଖର୍ଚ୍ଚ କରିଛନ୍ତି । କେବଳ ଏତିକି ନୁହେଁ ଅନନ୍ତ ଅମ୍ବାନୀ ଅନେକ ବଲିଉଡ କଳାକାରଙ୍କୁ କୋଟି କୋଟି ଟଙ୍କାର ଘଣ୍ଟା ଉପହାର ଦେଇଛନ୍ତି।

ଅନନ୍ତ ଅମ୍ବାନୀ ରାଧିକା ମର୍ଚାଣ୍ଟଙ୍କୁ ଜୁଲାଇ ୧୨ ରେ ମୁମ୍ବାଇର ବିବାହ କରିଥିଲେ। ଏହି ବିବାହରେ ଦେଶ ତଥା ଦେଶ ବାହାରୁ ବଡ ରାଜନେତା, କ୍ରୀଡା ବ୍ୟକ୍ତିତ୍ୱ, ବ୍ୟବସାୟୀ ଏବଂ ଚଳଚ୍ଚିତ୍ର ତାରକା ଯୋଗ ଦେଇଥିଲେ । ଶାହରୁଖ ଖାନଙ୍କ ଠାରୁ ସଲମାନ ଖାନ ଓ ଅର୍ଜୁନ କପୁର ଅନନ୍ତଙ୍କ ବିବାହ ଅତିଥି ଭାବରେ ଆସିଥିଲେ । ଏହି କଳାକାରଙ୍କୁ ଅନନ୍ତ ଅମ୍ବାନୀ ଲିମିଟେଡ଼ ଏଡିସନ ଘଣ୍ଟା ଉପହାରରେ ଦେଇଥିଲେ।

ଅନନ୍ତ ଅମ୍ବାନୀ ଘଣ୍ଟା ପିନ୍ଧିବାକୁ ବେଶ ଭଲ ପାଆନ୍ତି । ତାଙ୍କ କଲେକ୍ସନରେ ଅନେକ ଦାମୀ ଘଣ୍ଟା ଅଛି, ଯାହା ପିନ୍ଧି ସେ ସର୍ବଦା ଲାଇମଲାଇଟରେ ଆସିଥାନ୍ତି । ବର୍ତ୍ତମାନ ସେ ନିଜ ବନ୍ଧୁମାନଙ୍କୁ ମହଙ୍ଗା ଘଣ୍ଟା ଉପହାର ଦେଇ ଚର୍ଚ୍ଚାରେ ଅଛନ୍ତି । ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ ଶାହରୁଖ ଖାନଙ୍କ ସମେତ ତାଙ୍କ ବନ୍ଧୁ ମନକୁ ଲିମିଟେଡ଼ ଏଡିସନ ଘଣ୍ଟା ଦେଇଥିବା ଭାଇରାଲ ହେଉଛି। ଏହି ଭିଡିଓରେ ରଣଭୀର ସିଂ ମଧ୍ୟ ନଜର ଆସିଛନ୍ତି।

ରଣଭୀର, ଶାହରୁଖଙ୍କ ବ୍ୟତୀତ ଅନନ୍ତ ଏହି ଉପହାରକୁ ସଲମାନ ଖାନ, ଭୀର ପାହାଡିଆ ଏବଂ ମିଜାନ ଜାଫ୍ରିଙ୍କ ସମେତ ଅନ୍ୟ ବନ୍ଧୁମାନଙ୍କୁ ଏହି ଉପହାର ଦେଇଛନ୍ତି। ଅନନ୍ତ ଅମ୍ବାନୀଙ୍କ ଦ୍ୱାରା ଦିଆଯାଇଥିବା ଘଣ୍ଟା ଅଡେମର୍ସ ପିଗେଟ୍ ର ଲିମିଟେଡ଼ ଏଡିସନର ଘଣ୍ଟା । ଏହା ୧୮ କ୍ୟାରେଟ୍ ସୁନାରେ ତିଆରି ହୋଇଛି । ସୂଚନା ଅନୁଯାୟୀ ଏହି ଘଣ୍ଟାର ମୂଲ୍ୟ ୨ କୋଟି ଟଙ୍କା।