ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଏନ୍ଡିଏ କ୍ରମାଗତ ତୃତୀୟ ଥର କେନ୍ଦ୍ରରେ ସରକାର କରିବାକୁ ଯାଉଛି। ଏଥି ସହିତ ମୋଦୀ ଦେଶର ପ୍ରଥମ ପ୍ରଧାନମନ୍ତ୍ରୀ ଜବାହରଲାଲ ନେହରୁଙ୍କ ରେକର୍ଡ ସହ ସମକକ୍ଷ ହୋଇପାରିଛନ୍ତି। ଏପର୍ଯ୍ୟନ୍ତ ଜବାହରଲାଲ ନେହରୁ ଏକମାତ୍ର ପ୍ରଧାନମନ୍ତ୍ରୀ ହୋଇଥିଲେ, ଯିଏକ କ୍ରମାଗତ ଭାବେ ତୃତୀୟ ଥର କ୍ଷମତାକୁ ଆସିଥିଲେ।
ମୋଦୀ ତୃତୀୟ ଥର ପ୍ରଧାନମନ୍ତ୍ରୀ ହେବା ପରେ ବିଶ୍ୱର ବଡ଼ବଡ଼ ନେତା ଶୁଭେଚ୍ଛା ଜଣାଇଛିନ୍ତି । ମାଳଦୀପ ରାଷ୍ଟ୍ରପତି ମୋହମ୍ମଦ ମୁଇଜ୍ଜୁ ସାମାଜିକ ଗଣମାଧ୍ୟମ ‘ଏକ୍ସ’ରେ ଲେଖିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ବିଜେପି ଓ ଏନ୍ଡିଏକୁ ୨୦୨୪ରେ କ୍ରମାଗତ ତୃତୀୟ ବିଜୟ ନେଇ ଶୁଭେଚ୍ଛା ଜଣାଉଛି । ସେ କହିଛନ୍ତି, ଉଭୟ ଦେଶର ଯୁଗ୍ମ ସମୃଦ୍ଧି ପାଇଁ ଏକାଠି ହୋଇ କାମ କରିବାକୁ ଉତ୍ସାହିତ ଅଛି ।
ଇଟାଲିର ପ୍ରଧାନମନ୍ତ୍ରୀ ଜର୍ଜିଆ ମେଲୋନୀ ମଧ୍ୟ ପ୍ରଧାନମନ୍ତ୍ରୀ ମୋଦୀଙ୍କୁ ଶୁଭେଚ୍ଛା ଜଣାଇଛନ୍ତି । ସେ କହିଛନ୍ତି, ନୂଆ ନିର୍ବାଚନୀ ବିଜୟ ଓ ଭଲ କାମ ପାଇଁ ଶୁଭକାମନା ଜଣାଉଛି । ଇଟାଲି ଓ ଭାରତ ମିଳିତ ଭାବେ କାମ କରିବା ନେଇ ଆଶା କରୁଛି । ଆମେ ଭଲ ପାଇ କାମ ଜାରିବା । ଏଥି ସହିତ ମେଲାନି ସାମାଜିକ ଗଣମାଧ୍ୟମ ‘ଏକ୍ସ’ରେ ଜି-୨୦ ସମ୍ମିଳନୀ ସମୟରେ କୋଣାର୍କ ଚକ୍ର ସମ୍ମୁଖରେ ମୋଦୀଙ୍କ ସହିତ ହୋଇଥିବା ଫଟୋକୁ ସେୟାର କରିଛନ୍ତି ।
ସେହିପରି ଭୂଟାନର ପ୍ରଧାନମନ୍ତ୍ରୀ ଶେରିଙ୍ଗ ଟୋବଗେ କହିଛନ୍ତି, ଭାରତ ସହିତ ସଂପର୍କ ମଜବୁତ କରିବା ପାଇଁ ଉତ୍ସାହିତ ଅଛି । ସେ କହିଛନ୍ତି ଯେ, ବିଶ୍ୱର ସବୁଠାରୁ ବୃହତ୍ ଗଣତନ୍ତ୍ରରେ ଐତିହାସିକ ବିଜୟ ପାଇଁ ବନ୍ଧୁ ପ୍ରଧାନମନ୍ତ୍ରୀ ମୋଦୀ ଓ ଏନ୍ଡିଏକୁ ଶୁଭେଚ୍ଛା ଜଣାଉଛି । ଶ୍ରୀଲଙ୍କାର ରାଷ୍ଟ୍ରପତି ରାନିଲ ବିକ୍ରମସିନ୍ଧେ ଶୁଭେଚ୍ଛା ଜଣାଇଛନ୍ତି ।