ପାଟଣା: ମୁଖ୍ୟମନ୍ତ୍ରୀ ନୀତୀଶ କୁମାର ରାଷ୍ଟ୍ରୀୟ ଗଣତାନ୍ତ୍ରିକ ମେଣ୍ଟ (ମେଣ୍ଟ)ର ସହଯୋଗୀ ଦଳଗୁଡ଼ିକୁ ୨୦୨୫ ବିଧାନସଭା ନିର୍ବାଚନରେ ଅଧିକ ଆସନରେ ବିଜୟୀ ହେବାକୁ ଲକ୍ଷ୍ୟ ଦେଇଛନ୍ତି। ସେ କହିଛନ୍ତି, ଲକ୍ଷ୍ୟ ହାସଲ କରିବା ସମ୍ଭବ ଅଛି। ଆମେ କ୍ରମାଗତ ଭାବେ ଜନତାଙ୍କ ମଙ୍ଗଳ ପାଇଁ କାମ କରୁଛେ। ସୋମବାର ଏନ୍ଡିଏ ବିଧାନମଣ୍ଡଳର ବୈଠକକୁ ସମ୍ବୋଧିତ କରି ନୀତୀଶ କୁମାର ଏହା କହିଛନ୍ତି।
ବୈଠକରେ ବିଜେପି, ଜେଡିୟୁ, ହିନ୍ଦୁସ୍ତାନୀୟ ଅବାମ ମୋର୍ଚ୍ଚା ଓ ରାଷ୍ଟ୍ରୀୟ ଲୋକ ଜନଶକ୍ତି ପାର୍ଟିର ବିଧାୟକ ଏବଂ ବିଧାନ ପରିଷଦ ସଦସ୍ୟମାନେ ଉପସ୍ଥିତ ଥିଲେ। ବିଧାନମଣ୍ଡର ମୌସୁମୀ ଅଧିବେଶନ ନେଇ ଏହି ବୈଠକରେ ଆଲୋଚନା ହୋଇଥିଲା। ଉପମୁଖ୍ୟମନ୍ତ୍ରୀ ସମ୍ରାଟ ଚୌଧୁରୀ, ବିଜୟ କୁମାର ସିହ୍ନା, ସଂସଦୀୟ କାର୍ଯ୍ୟମନ୍ତ୍ରୀ ବିଜୟ କୁମାର ଚୌଧୁରୀ, ଗ୍ରାମ୍ୟ ଉନ୍ନୟନ ମନ୍ତ୍ରୀ ଶ୍ରବଣ କୁମାର ଓ ଲଘୁ ଜଳ ସମ୍ବଳ ମନ୍ତ୍ରୀ ସନ୍ତୋଷ କୁମାର ମଧ୍ୟ ସମ୍ବୋଧିକ କରିଥିଲେ।
ମୁଖ୍ୟମନ୍ତ୍ରୀ କହିଥିଲେ, ଆଗାମୀ ବିଧାନସଭା ନିର୍ବାଚନରେ ୨୨୦ରୁ ଅଧିକ ଆସନରେ ବିଜୟ ହାସଲ କରି ଏନ୍ଡିଏ ୨୦୨୧୦ର ରେକର୍ଡ ଅତିକ୍ରମ କରିବ। ସୂଚନାଯୋଗ୍ୟ ୨୦୧୦ ବିଧାନସଭା ନିର୍ବାଚନରେ ଜେଡିୟୁ ୧୧୫ ଓ ବିଜେପି ୯୧ଟି ଆସନରେ ବିଜୟୀ ହୋଇଥିଲା। ୨୪୩ ଆସନ ବିଶିଷ୍ଟ ବିହାର ବିଧାନସଭା ନିର୍ବାଚନରେ ଏନଡିଏକୁ ୨୦୬ଟି ଆସନରେ ବିଜୟ ହାସଲ କରିଥିଲା।