ବିଶାଖାପାଟଣା: ଆନ୍ଧ୍ର ପ୍ରଦେଶରେ ବିଧାନସଭାର ୧୭୫ଟି ଆସନ ପାଇଁ ମତଗଣନା ଜାରି ରହିଛି। ଏହି ନିର୍ବାଚନରେ ଏନ୍ଡିଏ ମେଣ୍ଟକୁ ବିପୁଳ ଜନାଦେଶ ହୋଇଥିବା ପୂର୍ବାନୁମାନ କରାଯାଉଛି। ମତଗଣନା ଟ୍ରେଣ୍ଡ କହୁଛି, ‘ୱାଇଏସ୍ଆରସିପି’କୁ ବଡ଼ ଝଟକା ଲାଗିପାରେ। ଅପରାହ୍ଣ ଗୋଟିଏ ସୁଦ୍ଧା ତେଲଗୁ ଦେଶମ ପାର୍ଟି (ଟିଡିପି)କୁ ୧୩୦, ୱାଇଏସ୍ଆରକୁ ୧୮, ବିଜେପିକୁ ୭ ଓ ଅନ୍ୟ ଦଳକୁ ୨୦ଟି ଆସନ ମିଳିଛି।
ବିଜୟୱାଡା (ପଶ୍ଚିମ) ବିଧାନସଭା ଆସନରୁ ଏନଡିଏ ସମର୍ଥିତ ବିଜେପି ପ୍ରାର୍ଥୀ ୟାଲାମଂଚିଲୀ ସତ୍ୟନାରାୟଣ (ସଜନା) ଚୌଧୁରୀ ବିରୋଧୀ ପ୍ରାର୍ଥୀ ୱାଇଏସ୍ଆର ପ୍ରାର୍ଥୀଙ୍କ ଠାରୁ ୧୦,୭୫୬ ଖଣ୍ଡ ଭୋଟ୍ ବ୍ୟବଧାନରେ ଆଗୁଆ ଅଛନ୍ତି । ବିଶାଖାପାଟଣାର ଗାଜୁୱାକା ଆସନରରେ ୪ର୍ଥ ରାଉଣ୍ଡ ଶେଷ ସୁଦ୍ଧା ଆଇଟି ମନ୍ତ୍ରୀ ଗୁଡିୱାଡା ଅମରନାଥ ୧୮୦୦୦ରୁ ଅଧିକ ଭୋଟ ପଛରେ ଅଛନ୍ତି । ଏଠାରେ ଡିଟିପି ପ୍ରାର୍ଥୀ ପଲ୍ଲା ଶ୍ରୀନିବାସ ରାଓଙ୍କୁ ୨୭,୮୨୪ ଖଣ୍ଡ ଭୋଟ୍ ମିଳିଛି । ଅନନ୍ତପୁର ଓ ଅୟାନ୍ନାପାତ୍ରୁଡୁ ନରସିପଟ୍ଟନମରେ ଟିଡିପି ପ୍ରାର୍ଥୀ ଆଗୁଆ ଅଛନ୍ତି ।