ମୁମ୍ବାଇ: ଗଣତନ୍ତ୍ରରେ ନିର୍ବାଚନ, ଲୋକସଭା ହେଉ ବା ବିଧାନସଭା ହେଉ, ସର୍ବାଧିକ ଭୋଟ୍ ଜିତିଥିବା ପ୍ରାର୍ଥୀ ଅଥବା ସବୁଠାରୁ କମ୍ ଭୋଟରେ ଜିତିଥିବା ଲୋକଙ୍କର ଆଲୋଚନା ହୋଇଥାଏ। ଯେମିତିକି ବଜେଟ ପରେ ଲୋକେ ଜାଣିବାକୁ ଚାହାନ୍ତି ଯେ, କେଉଁ ଜିନିଷ ଶସ୍ତା ହେଲା ଏବଂ କ’ଣ ମହଙ୍ଗା ହେଲା। ଲୋକସଭା ନିର୍ବାଚନରେ ଯେତେବେଳେ ଜଣେ ସର୍ବାଧିକ ବା ସର୍ବନିମ୍ନ ଭୋଟ ବ୍ୟବଧାନରେ ବିଜୟୀ ହେଉଛନ୍ତି, ତାକୁ ନେଇ ଚର୍ଚ୍ଚା ହେବାର ସ୍ୱାଭାବିକ।
୨୦୨୪ ସାଧାରଣ ନିର୍ବାଚନରେ ସବୁଠାରୁ କମ୍ ବ୍ୟବଧାନରେ ବିଜୟର ରେକର୍ଡ ମହାରାଷ୍ଟ୍ରରେ ହୋଇଛି । ଶିବସେନା ନେତା ରବୀନ୍ଦ୍ର ଦତ୍ତାରାମ ମଙ୍ଗଳବାର ପ୍ରକାଶ ପାଇଥିବା ଲୋକସଭା ନିର୍ବାଚନର ଫଳାଫଳରେ କମ ଭୋଟ ପାଇ ବିଜୟୀ ହେବା ସହ ସଂସଦ ପହଞ୍ଚିଛନ୍ତି। ସେ ମୁମ୍ବାଇ (ଉତ୍ତର-ପଶ୍ଚିମ) ଆସନରୁ ନିର୍ବାଚନ ଲଢ଼େଇ କରିଥିଲେ। ସେ ଶିବସେନା (ଉଦ୍ଧବ ବାଲାସାହେବ ଠାକରେ)ଙ୍କ ପ୍ରାର୍ଥୀ ଅମାଲ ଗଜାନନ କୀର୍ତ୍ତିକରଙ୍କୁ ମାତ୍ର ୪୮ଖଣ୍ଡ ଭୋଟ୍ ବ୍ୟବଧାନରେ ପରାସ୍ତ କରିଛନ୍ତି । ରବୀନ୍ଦ୍ର ଦତ୍ତାରାମଙ୍କୁ ୪,୫୨,୬୪୪ ଖଣ୍ଡ ଭୋଟ୍ ମିଳିଛି।
ଚଳିତ ଓଡ଼ିଶା ବିଧାନସଭା ନିର୍ବାଚନରେ ମଧ୍ୟ କମ୍ ବ୍ୟବଧାନରେ ବିଜୟର ରେକର୍ଡ ହୋଇଛି। ଭାରତୀୟ ଜନତା ପାର୍ଟି(ବିଜେପି)ର ଭୁବନେଶ୍ୱର (ମଧ୍ୟ) ନିର୍ବାଚନ ମଣ୍ଡଳୀର ପ୍ରାର୍ଥୀ ଜଗନ୍ନାଥ ପ୍ରଧାନ ମାତ୍ର ୩୭ ଖଣ୍ଡ ଭୋଟ୍ ବ୍ୟବଧାନରେ ପରାସ୍ତ ହୋଇଛନ୍ତି। ସେ ବିଜେଡି ପ୍ରାର୍ଥୀ ଅନନ୍ତ ନାରାୟଣ ଜେନାଙ୍କ ଠାରୁ ପରାସ୍ତ ହୋଇଛନ୍ତି । ଅନନ୍ତଙ୍କୁ ୫୩,୭୫୯ ଖଣ୍ଡ ଭୋଟ୍ ମିଳିଛି।