ଇନ୍ଦୋର: ମଧ୍ୟପ୍ରଦେଶର ସମସ୍ତ ୨୯ ଆସନରେ ଭାରତୀୟ ଜନତା ପାର୍ଟି ବିଜୟୀ ହୋଇ ରେକର୍ଡ କରିଛି। ଏଥି ସହିତ ଇନ୍ଦୋର ଲୋକସଭା ଆସନରେ ୩ଟି ରେକର୍ଡ ମଧ୍ୟ ହୋଇଛି। ଏହି ଆସନରେ ପ୍ରାର୍ଥୀ ଶଙ୍କର ଲାଲୱାନୀ ନିଜର ନିକଟତମ ପ୍ରତିଦ୍ୱନ୍ଦ୍ୱୀଙ୍କୁ ୧୧ ଲକ୍ଷ ୭୫ ହଜାର ୯୨ ଖଣ୍ଡ ଭୋଟ୍ ବ୍ୟବଧାନରେ ପରାସ୍ତ କରିଛନ୍ତି। ତାଙ୍କର ନିକଟତମ ପ୍ରତିଦ୍ୱନ୍ଦ୍ୱୀ ସଂଜୟ ସୋଲଙ୍କି ୫୧,୬୫୯ ଖଣ୍ଡ ଭୋଟ୍ ପାଇଥିଲେ। ଏଠାରେ ନୋଟାକୁ ୨,୧୮,୬୭୪ ଖଣ୍ଡ ଭୋଟ ଯାଇଥିଲା।
ଏହା ପୂର୍ବରୁ ୨୦୧୯ ଲୋକସଭା ନିର୍ବାଚନରେ ଗୋପାଳଗଂଜରେ ନୋଟାକୁ ୫୧,୬୬୦ ଖଣ୍ଡ ଭୋଟ ମିଳିଥିଲା । ଏଭଳି ଏକ ରେକର୍ଡ ଭଙ୍ଗ କରିବାରେ ଇନ୍ଦୋର ନୂଆ କାମ କରିଛି । ଇନ୍ଦୋରରେ କଂଗ୍ରେସ ପ୍ରାର୍ଥୀ ଅକ୍ଷୟ କାନ୍ତି ବମ ପ୍ରାର୍ଥିପତ୍ର ପ୍ରତ୍ୟାହାର କରିଥିଲେ । ସେ ବିଜେପିରେ ଯୋଗ ଦେଇଥିଲେ । ଫଳରେ ଏହି ଆସନରେ ମୁକାବିଲା ଦେଖିବାକୁ ନଥିଲା । କିନ୍ତୁ କଂଗ୍ରେସ ନୋଟାରେ ଭୋଟ ଦେବା ପାଇଁ ଅଭିଯାନ ଚଳାଇଥିଲା ।
ଇନ୍ଦୋର ଆଉ ଏକ ରେକର୍ଡ କରିଛି ବିଜେପି । ଏହା ହେଉଛି ସବୁଠାର ବୃହତ୍ ବିଜୟ । ବିଜେପି ସାମ୍ନାରେ ଏଠାରେ କୌଣସି ବିପରିତ ପରିସ୍ଥିତି ନଥିଲା । ଏଥର କଂଗ୍ରେସର ଗଡ଼ କୁହାଯାଉଥିବା ଛିନ୍ଦୱାକୁ ମଧ୍ୟ ନିଜର ଅକ୍ତିଆରକୁ ନେଇଯାଇଛି । ପୂର୍ବତନ ମୁଖ୍ୟମନ୍ତ୍ରୀ କମଲନାଥଙ୍କ ପୁଅ ନକୁଳ ନାଥଙ୍କୁ ବିଜେପିର ବିବେକ ସାହୁ ୧ ଲକ୍ଷ ୧୩ ହଜାର ୬୧୮ଭୋଟ୍ ବ୍ୟବଧାନରେ ପରାସ୍ତ କରିଛନ୍ତି ।