ନୂଆଦିଲ୍ଲୀ: ଲୋକସଭା ନିର୍ବାଚନ-୨୦୨୪ ପାଇଁ ହୋଇଥିବା ମତଦାନର ଫଳାଫଳ ଆଜି ସନ୍ଧ୍ୟା ସୁଦ୍ଧା ଆସିଯିବ। ଏହା ପୂର୍ବରୁ ଜନଦେଶ ଏନ୍ଡିଏ ସପକ୍ଷରେ ଯାଉଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପୁଣି ଥରେ ପ୍ରଧାନମନ୍ତ୍ରୀ ହେବେ ବୋଲି ଆଶା କରାଯାଉଛି। ମତଗଣନା ଜାରି ଥିବା ବେଳେ ମଧ୍ୟ ଭାରତର ଅନ୍ୟତମ ଟାଣୁଆ ନେତା କମଲନାଥଙ୍କ ଗଡ଼ରେ ପଦ୍ମ ଫୁଟିବାକୁ ଯାଉଛି। ଏଠାରେ ଭାରତୀୟ ଜନତା ପାର୍ଟି ଭଲ ପ୍ରଦର୍ଶନ କରୁଥିବା ମତଗଣନା ରିପୋର୍ଟ କହୁଛି।
ଭାରତୀୟ ଜନତା ପାର୍ଟି (ବିଜେପି) ଉଭୟ ମଧ୍ୟପ୍ରଦେଶ ଓ ଛତିଶଗଡ଼ରେ ନିଜର ଦମ୍ଭ ଦଖୋଇଛି । ମତଗଣନାର ପ୍ରଥମ ୨ ଘଣ୍ଟାରେ ବିଜେପି ମଧ୍ୟପ୍ରଦେଶର ସମସ୍ତ ୨୯ ଆସନରେ ଓ ଛତିଶଗଡ଼ରେ ୧୧ଟିରୁ ୯ଟି ଆସନରେ ଆଗରେ ରହିଛି । ଏହି ଟ୍ରେଣ୍ଡରୁ କୁହାଯାଇପାରିବ ଯେ, ଛିନ୍ଦୱାଡାରେ ବିଜେପି ପଦ୍ମ ଫୁଟାଇପାରେ ।