ଗାନ୍ଧୀନଗର: ଗୁଜରାଟରେ ଲୋକସଭାର ୨୬ ଆସନ ରହିଛି। ଏଠାରେ ଗତମାସ ୭ ତାରିଖ ଦିନ ତୃତୀୟ ପର୍ଯ୍ୟାୟରେ ୨୫ଟି ଆସନରେ ମତଦାନ ହୋଇଥିଲା। ସୁରଟ ଆସନରେ ମତଦାନ କରାଯାଇ ନଥିଲା। କାରଣ ବିରୋଧୀ ପ୍ରାର୍ଥୀ ପ୍ରାର୍ଥିପତ୍ର ପ୍ରତ୍ୟାହାର କଲା ପରେ ବିଜେପିର ପ୍ରାର୍ଥୀ ନିଦ୍ୱନ୍ଦ୍ୱରେ ବିଜୟୀ ହୋଇଥିଲେ। ରାଜ୍ୟରେ ଏଥର କଂଗ୍ରେସ ଓ ଆମ ଆଦମୀ ପାର୍ଟି (ଆପ୍) ଇଣ୍ଡିଆ ମେଣ୍ଟ ଭାବେ ନିର୍ବାଚନ ଲଢ଼ିଛନ୍ତି। ଭରୁଚ ଓ ଭାଭାନଗରରେ ଆପ୍ ନିଜର ପ୍ରାର୍ଥୀ ଅବତୀର୍ଣ୍ଣ କରିଛି । ବାକି ୨୩ ଆସନରେ କଂଗ୍ରେସ ପ୍ରାର୍ଥୀ ହୋଇଛି।
୨୦୧୯ ଲୋକସଭା ନିର୍ବାଚନରେ ଗୁଜରାଟର ସମସ୍ତ ୨୬ ଆସନରେ ଭାରତୀୟ ଜନତା ପାର୍ଟିର ବିଜୟ ହାସଲ ହୋଇଥିଲା । ୨୦୧୪ରେ ମଧ୍ୟ ବିଜେପି ସମସ୍ତ ୨୬ ଆସନରେ ବିଜୟୀ ହୋଇଥିଲା । କଂଗ୍ରେସକୁ ଗୋଟିଏ ମଧ୍ୟ ଆସନ ମିଳି ନଥିଲା । ଏଥର ମଧ୍ୟ ଗୁଜରାଟ ସବୁ ଆସନରେ ଆଗୁଆ ରହିଛି । ଗାନ୍ଧୀନଗର ଆସନରୁ ଗୃହମନ୍ତ୍ରୀ ଅମିତ ଶାହ ଏକ ବିଶାଳ ବିଜୟ ଦିଗରେ ଅଗ୍ରସର ହେଉଛନ୍ତି । ଏଠାରେ କଂଗ୍ରେସ ପ୍ରାର୍ଥୀ ସୋନାଲ ପଟେଲଙ୍କ ତୁଳନାରେ ୧ ଲକ୍ଷ ୫୫ ହଜାର ହଜାର ଭୋଟ୍ରେ ଆଗୁଆ ଅଛନ୍ତି ।