ଏଲାନ ମାସ୍କଙ୍କ ‘ଟେସ୍ଲା’ ଭାରତରେ ପ୍ରବେଶ, ବେଙ୍ଗାଲୁରୁରେ ଉତ୍ପାଦନ କରିବ ଇଲେକ୍ଟ୍ରି କାର
Khabar Odisha:Business-Tesla-makes-India-entry-CM-BS-Yediyurappa-welcomes-elon-musk-to-Karnataka

ନୂଆଦିଲ୍ଲୀ, ଜାନୁଆରୀ ୧୩ (ଖବର ଓଡ଼ିଶା): ବିଶ୍ୱର ଅନ୍ୟତମ ଜଣାଶୁଣା ଧନୀ ଓ ବ୍ୟବସାୟୀ ଏଲାନ ମାସ୍କଙ୍କ ଇଲେକ୍ଟ୍ରି କାର ନିର୍ମାତ କଂପାନୀ ଭାରତରେ ପ୍ରବେଶ କରିଛି । ଟେସ୍ଲା ଇଣ୍ଡିଆ ମୋଟର୍ସ ଆଣ୍ଡ ଏନାର୍ଜୀ ପ୍ରାଇଭେଟ ଲିମିଟେଡ ନାଁରେ କଂପାନୀ ପଂଜୀକୃତ ହୋଇଛି । କଂପାନୀ ଏଠାରେ ବିଳାସମୟ ଇଲେକ୍ଟ୍ରି କାର ନିର୍ମାଣ ଓ ବ୍ୟବସାୟ କରିବ । ଟେସ୍ଲାର ପ୍ରଥମ କାର୍ଯ୍ୟାଳୟ ବେଙ୍ଗାଲୁରୁରେ ପଂଜିକୃତ କରାଯାଇଛି । ବେଙ୍ଗାଲୁରୁରେ ଏକ ରିସର୍ଚ୍ଚ ଆଣ୍ଡ ଡଭଲପମେଣ୍ଟ ୟୁନିଟ ସହିତ ନିଜର ପରିଚାଳନା ଆରମ୍ଭ କରିବ ।  

କର୍ଣ୍ଣାଟକର ମୁଖ୍ୟମନ୍ତ୍ରୀ ବିଏସ ୟେଦିୟୁରପ୍ପା ଟେସ୍ଲାକୁ ସ୍ୱାଗତ କରିଛନ୍ତି । କର୍ପୋରେଟ ବ୍ୟାପାର ମନ୍ତ୍ରାଳୟ ଅନୁସାରେ ଟେସ୍ଲା ଜାନୁଆରୀ ୮ରେ ବେଙ୍ଗାଲୁରୁରେ ପଂଜିକରଣ କରିଛି । ଏହାର ପଂଜିକରଣ ନମ୍ବର ୧୪୨୯୭୫ । ବୈଭବ ତନେଜା, ଭେଙ୍କଟରଙ୍ଗମ ଶ୍ରୀରାମ ଓ ଡେଭିଡ ଜନ ଫେଷ୍ଟିନ ଏହାର ନିର୍ଦ୍ଦେଶକ । ତନେଜା ଟେସ୍ଲାରେ ସିଏଫଓ ଅଟନ୍ତି । ଫେଷ୍ଟିନ ଟେସ୍ଲାରେ ଗ୍ଲୋବାଲ ସିନିୟର ଡାଇରେକ୍ଟର, ଟ୍ରେଡ ମାର୍କେଟ ଏକ୍ସେସ ଅଟନ୍ତି । କଂପାନୀ ଭାରତରେ ମଡେଲ ୩ ଶୁଭାରମ୍ଭ କରିପାରେ । ପ୍ରଥମ ତିନି ମାସ ମଧ୍ୟରେ କାର ଡେଲିଭରି କରିପାରେ ।

ଟେସ୍ଲାର ସିଇଓ ଏଲାନ ମାସ୍କ ଗତ ବର୍ଷ ଅକ୍ଟୋବରରେ ଏକ ଟୁଇଟରେ କହିଥିଲେ ଯେ, ତାଙ୍କର କଂପାନୀ ୨୦୨୧ରେ ଭାରତୀୟ ବଜାରରେ ପ୍ରବେଶ କରିବ । ମାସ୍କ ଏକ ଟୁଇଟର ଜବାବରେ ଲେଖିଥିଲେ ଯେ, ନିଶ୍ଚିତ ଭାବେ କଂପାନୀ ଆସନ୍ତା ବର୍ଷ ଭାରତରେ ପ୍ରବେଶ କରିବ । 

 

  • Tags:

Subscribe

National International State Sports Entertainment