ନୂଆଦିଲ୍ଲୀ: ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ଆସିବାକୁ ଥିବା ଦିନିକିଆ ସିରିଜ୍ ପାଇଁ କ୍ରିକେଟ୍ ପ୍ରଶଂସକଙ୍କ ମଧ୍ୟରେ ବେଶ୍ ଉତ୍ସାହ ଦେଖିବାକୁ ମିଳିଛି। ଟିମ୍ ଇଣ୍ଡିଆର ପ୍ଲେଇଙ୍ଗ୍ ଇଲେଭେନ୍ କିପରି ରହିବ, ସେନେଇ ବର୍ତ୍ତମାନଠାରୁ ଚର୍ଚ୍ଚା ଜୋର ଧରିଛି। ଦଳର ଦୁଇ ବରିଷ୍ଠ ତାରକା ବିରାଟ କୋହଲି ଏବଂ ରୋହିତ ଶର୍ମାଙ୍କ ସ୍ଥାନ ଚୂଡ଼ାନ୍ତ ଏକାଦଶରେ ସମ୍ପୂର୍ଣ୍ଣ ସୁରକ୍ଷିତ ଥିବା ଜଣାପଡ଼ିଛି।

ପ୍ରାପ୍ତ ରିପୋର୍ଟ ଅନୁଯାୟୀ, ଦଳର ଓପନିଂ ଯୋଡ଼ିକୁ ନେଇ କୌଣସି ଦ୍ୱନ୍ଦ୍ୱ ନାହିଁ। ରୋହିତ ଶର୍ମାଙ୍କ ସହ ଅନ୍ୟ ଜଣେ ଓପନର୍‌ ଭାବେ ଯଶସ୍ୱୀ ଜୈସୱାଲ କିମ୍ବା ଅନ୍ୟ କୌଣସି ଖେଳାଳିଙ୍କୁ ସୁଯୋଗ ମିଳିବା ନେଇ ଆକଳନ କରାଯାଉଛି। ତେବେ ଋତୁରାଜ ଗାଏକୱାଡ଼ଙ୍କ ପାଇଁ ଏହି ସିରିଜରେ ସୁଯୋଗ ପାଇବା ବେଶ୍ କଷ୍ଟକର ହୋଇପାରେ ବୋଲି କ୍ରିକେଟ୍ ବିଶ୍ଳେଷକମାନେ ମତ ଦେଉଛନ୍ତି।

ମଧ୍ୟକ୍ରମରେ ବିରାଟ କୋହଲିଙ୍କ ସମେତ ଅନ୍ୟାନ୍ୟ ଯୁବ ଖେଳାଳିମାନେ ଦଳକୁ ମଜଭୁତ ସ୍ଥିତିରେ ରଖିବେ। ବୋଲିଂ ବିଭାଗରେ ମଧ୍ୟ ଅଭିଜ୍ଞ ଏବଂ ଯୁବ ଖେଳାଳିଙ୍କ ମଧ୍ୟରେ ସନ୍ତୁଳନ ରକ୍ଷା କରାଯିବ ବୋଲି ଆଶା କରାଯାଉଛି। ୱେଷ୍ଟଇଣ୍ଡିଜ୍‌ର କଡ଼ା ମୁକାବିଲା ପାଇଁ ଭାରତୀୟ ଟିମ୍ ସମ୍ପୂର୍ଣ୍ଣ ପ୍ରସ୍ତୁତ ରହିଛି।ଆଗାମୀ ମ୍ୟାଚ୍‌ଗୁଡ଼ିକରେ କେଉଁ କେଉଁ ଖେଳାଳିଙ୍କୁ ଚୂଡ଼ାନ୍ତ ଏକାଦଶରେ ସ୍ଥାନ ମିଳୁଛି ଏବଂ ସେମାନେ କିପରି ପ୍ରଦର୍ଶନ କରୁଛନ୍ତି, ତାହା ଉପରେ ସମସ୍ତଙ୍କ ନଜର ରହିବ। 

ଭାରତର ସମ୍ଭାବିତ ଚୂଡାନ୍ତ ଏକାଦଶ

ରୋହିତ ଶର୍ମା, ଶୁଭମନ ଗିଲ୍‌(ଅଧିନାୟକ), ବିରାଟ କୋହଲି, ଋତୁରାଜ ଗାଏକ୍ୱାଡ, ଲୋକେଶ ରାହୁଲ(ୱିକେଟ୍ କିପର), ଧ୍ରୁବ ଜୁରେଲ, ନୀତିଶ ରେଡ୍ଡୀ, ରବୀନ୍ଦ୍ର ଜାଡେଜା, କୁଲଦୀପ ଯାଦବ, ପ୍ରସିଦ୍ଧ କୃଷ୍ଣା, ଗୁରନୁର ବରାର ।