କୋରାପୁଟ ଜିଲ୍ଲା ସର୍ଗିଗୁଡା ନିକଟରେ ଏକ ମର୍ମନ୍ତୁଦ ଦୁର୍ଘଟଣା ଘଟିଯାଇଛି । ବାଇକରେ ଦେଓମାଳିରୁ ଜଣେ ଯୁବକ ଫେରୁଥିିବା ବେଳେ  ସର୍ଗିଗୁଡ଼ା ନିକଟରେ ସଡ଼କ ଦୁର୍ଘଟଣା ଘଟିଥିଲା । ଫଳରେ ଘଟଣା ସ୍ଥଳରେ ହିଁ ଯୁବକଙ୍କ ଜୀବନ ଚାଲିଯାଇଥିଲା । ମୃତ ଯୁବକ ଜଣଙ୍କ କେନ୍ଦୁଗୁଡା ଗାଁର ଚନ୍ଦ୍ରଶେଖର ସୈାର ବୋଲି ଜଣାପଡିଛି । 

ସୂଚନା ଅନୁସାରେ , ଚନ୍ଦ୍ରଶେଖର ଓ ତାର ସାଙ୍ଗମାନେ ଦେଓମାଳି ବୁଲିବାକୁ ଯାଇଥିଲେ । ଏବଂ ଆଜି ସକାଳେ ଚନ୍ଦ୍ରଶେଖର ଫେରୁଥିବା ସମୟରେ ଏକ ଟ୍ରକ ତାଙ୍କୁ ପଛପଟୁ ଧକ୍କା ଦେଇଥିଲା । ଯାହା ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିବା ବେଳେ ଆଉ ଜଣେ ଆହତ ହୋଇଥିବା ଜଣାପଡିଛି । । ତେବେ ଏନେଇ ଖବର ପାଇ ପୋଲିସ ଘଟଣା ସ୍ଥଳରେ ପହଂଚି ତଦନ୍ତ ଆରମ୍ଭ କରିଛି ।