ଝାରସୁଗୁଡା: ଝାରସୁଗୁଡା ଜିଲ୍ଲା ଲଖନପୁର ଥାନା ଅଞ୍ଚଳର କୁଡାଲୋଇ ଗଙ୍ଗାପଡାରେ ଏକ ଅଭାବନୀୟ ଘଟଣା ଘଟିଛି । ଏହି ଘଟଣାରେ ସାନଭାଇ ହାତରେ ବଡ଼ଭାଇର ଜୀବନ ଯାଇଛି । ଏହି ଘଟଣା ସାରା ଅଞ୍ଚଳରେ ଚାଞ୍ଚଲ୍ୟ ଖେଳାଇଦେଇଛି । ମୃତ ବଡ଼ଭାଇ ସୁନୀଲ ସୋରେନ ।

ସୂଚନା ଅନୁସାରେ, ରବିବାର କୌଣସି କାରଣରୁ ବଡ଼ଭାଇ ସୁନୀଲ ସୋରେନ ଓ ସାନଭାଇ ସୁଶୀଲ ସୋରେନ ମଧ୍ୟରେ ଝଗଡ଼ା ହୋଇଥିଲା । ଯାହା ଧୀରେ ଧୀରେ ବଚସାରେ ପରିଣତ ହୋଇଥିଲା । ସାନଭାଇ ଉତ୍ୟକ୍ତ ହୋଇ ମାରଣାସ୍ତ୍ରରେ ବଡଭାଇକୁ ଆକ୍ରମଣ କରିଥିଲା । ଫଳରେ ବଡଭାଇ ଗୁରୁତର ହୋଇଥିଲେ, ତୁରନ୍ତ ତାଙ୍କୁ ଉଦ୍ଧାର କରି ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଥିଲା । କିନ୍ତୁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ଖବର ପାଇ, ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଜାରି କରିବା ସହିତ ଅଭିଯୁକ୍ତ ସାନ ଭାଇ ସୁଶୀଲ ସୋରେନକୁ ପୋଲିସ ଅଟକ ରଖି ଘଟଣା ସମ୍ପର୍କରେ ପଚରାଉଚରା କରୁଛି ।