ବଲାଙ୍ଗୀର ଜିଲ୍ଲା ପାଟଣାଗଡ ଥାନା ପୋଡଛାପର ଛକ ନିକଟରେ ଏକ ଅଘଟଣ ଘଟିଯାଇଛି । ଭାରସାମ୍ୟ ହରାଇ ପୋଲ ଉପରେ ଝୁଲି ରହିଛି ଏକ ମେଲୋଡି ପାର୍ଟି ଗାଡି । ଫଳରେ ଅଳ୍ପକେ ବର୍ତ୍ତିଯାଇଛନ୍ତି ୨୦ରୁ ଅଧିକ କଳାକାର । 

ସୂଚନା ଅନୁସାରେ, ଆଜି ଭୋର ପ୍ରାୟ ୩ ଟା ସମୟରେ କଳାକାରମାନେ ପଦ୍ମପୁରରୁ ଏକ କାର୍ଯ୍ୟକ୍ରମ ସାରି କଳାହାଣ୍ଡି ଜିଲ୍ଲା ଉତ୍କେଲା ଫେରୁଥିଲେ। ଏହି ସମୟରେ ପାଟଣାଗଡ଼-ବେଲପଡା ରାସ୍ତାର ପୋଡ଼ଛାପର ଗାଁ ନିକଟରେ ଭାରସାମ୍ୟ ହରାଇ ଗାଡ଼ିଟି ପୋଲ ଉପରକୁ ଚଢିଯାଇଥିଲା । ଯାହା ଫଳରେ ଗାଡିରେ ଥିବା ୨୦ରୁ ଅଧିକ କଳାକାର ଅଳ୍ପକେ ବର୍ତ୍ତିଯାଇଥିବା ବେଳେ ଗାଡିଟି ପୋଲ ଉପରେ ଝୁଲି ରହିଥିବା ଦେଖିବାକୁ ମିଳିଛି ।