ଢେଙ୍କାନାଳ: ସରକାରୀ ଟଙ୍କା ହେରଫେର ଅଭିଯୋଗରେ ଭିଜିଲାନ୍ସ ପକ୍ଷରୁ ବଡ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଢେଙ୍କାନାଳ ବନ ବିଭାଗର ୬୫ ଲକ୍ଷ ୯୦ ହଜାରରୁ ଉର୍ଦ୍ଧ୍ଵ ଟଙ୍କା ହେରଫେର ଘଟଣାରେ ୩ ଜଣଙ୍କୁ ଭିଜିଲାନ୍ସ ବିଭାଗ ଗିରଫ କରିଛି । ଢେଙ୍କାନାଳ ଜିଲ୍ଲା ବନ ବିଭାଗ ସିନିୟର କ୍ଲର୍କ ସମେତ ୨ ଜଣଙ୍କୁ ଗିରଫ କରାଯାଇଛି । ବନଖଣ୍ଡ କାର୍ଯ୍ୟାଳୟ ସିନିୟର କ୍ଳର୍କ ତଥା ମାଷ୍ଟର ମାଇଣ୍ଡ ସୁଜିତ କୁମାର ଜେନା ସମେତ ତାଙ୍କ ସଂପର୍କୀୟ ଭାଇ ରଶ୍ମି ରଂଜନ ସ୍ୱାଇଁ ଓ ହାତୀ ସ୍କାର୍ଡ କର୍ମଚାରୀ ସୌମ୍ୟ ରଞ୍ଜନ ବେହେରାଙ୍କୁ ଗିରଫ କରାଯାଇଛି । 

ସୂଚନା ଅନୁଯାୟୀ ଢେଙ୍କାନାଳ ବନ ବିଭାଗର ୨୦୧୬ ମସିହା ଏପ୍ରିଲ ମାସରୁ ୨୦୨୬ ମସିହା ମାର୍ଚ୍ଚ ମାସ ମଧ୍ୟରେ ଜିଲ୍ଲାର ବହୁ ଛଟେଇ କର୍ମଚାରୀମାନଙ୍କ ଇପିଏଫ, ଇନକ୍ରିମେଣ୍ଟ ଓ ଅନେକ ପେନସନ ଧାରୀଙ୍କର ୬୫ ଲକ୍ଷ ୯୦ ହଜାର ୭୭୩ ଟଙ୍କା ୪ଜଣଙ୍କ ଆକାଉଣ୍ଟକୁ ଟ୍ରାନ୍ସଫର ହୋଇଛି । ଘଟଣା ଜଣାପଡିବା ପରେ ବିଭାଗ ପକ୍ଷରୁ ଏ ନେଇ ଭିଜିଲାନ୍ସରେ ଅଭିଯୋଗ କରାଯାଇଥିଲା । ଢେଙ୍କାନାଳ ଭିଜିଲାନ୍ସ ଅତିରିକ୍ତ ଏସପି ଅନୁପମା ସେନାପତିଙ୍କ ନେତୃତ୍ୱରେ ତଦନ୍ତ ହୋଇଥିଲା । 

ଏହି ତଦନ୍ତରୁ ଜଣାପଡ଼ିଛି ବନଖଣ୍ଡ କାର୍ଯ୍ୟାଳୟ ସିନିୟର କ୍ଳର୍କ ତଥା ମାଷ୍ଟର ମାଇଣ୍ଡ ସୁଜିତ କୁମାର ଜେନା, ତାଙ୍କ ସଂପର୍କୀୟ ଭାଇ ରଶ୍ମି ରଂଜନ ସ୍ୱାଇଁ ଓ ହାତୀ ସ୍କାର୍ଡ କର୍ମଚାରୀ ସୌମ୍ୟ ରଞ୍ଜନ ବେହେରା ସମ୍ପୃକ୍ତ ଥିବା ଜଣାପଡ଼ିଥିଲା । ହଡପ ଟଙ୍କା ସମ୍ପୃକ୍ତ ୩ ଜଣଙ୍କ ଆକାଉଣ୍ଟ ଓ ମୁଖ୍ୟ ଅଭିଯୁକ୍ତ ସୁଜିତ କୁମାରଙ୍କ ମା'ଙ୍କ ଆକାଉଣ୍ଟକୁ ପଠାଯାଇଥିବା ସୂଚନା ରହିଛି । ଭିଜିଲାନ୍ସ ସମ୍ପୃକ୍ତ ଅଭିଯୁକ୍ତଙ୍କୁ ଭିଜିଲାନ୍ସ ଗିରଫ କରି କୋର୍ଟ ଚାଲାଣ କରିଛି ।