ନିଳଗିରିରେ ଭୟଙ୍କର ବିସ୍ପୋରଣ ହୋଇଛି । ଗ୍ୟାସ ସିଲିଣ୍ଡର ଫାଟିଯିବ ଫଳରେ ୩ ଜଣ ଗୁରୁତର ହୋଇଛନ୍ତି । ଗୋଟିଏ ପରିବାରର ୩ ଜଣ ଗୁରୁତର ଅଛନ୍ତି । ବିସ୍ପୋରଣରେ ଗୁରୁତର ଭାବେ ପୋଡ଼ି ଯାଇଛନ୍ତି । ପରିବାରର ବାପା, ପୁଅ ଓ ମାଆଙ୍କୁ ଉଦ୍ଧାର କରି ନୀଳଗିରି ହସ୍ପିଟାଲକୁ ସ୍ଥାନାନ୍ତର କରାଯାଇଛି । ଏଭଳି ଘଟଣା ଘଟିଛି ନୀଳଗିରି ନରସିଂହପୁର ପଞ୍ଚାୟତ ପୁରୁଣା ଗାଁରେ । ସୂଚନା ଅନୁସାରେ ଆଜି ମଧ୍ୟାହ୍ନରେ ହଠାତ୍‌ ପୁରୁଣା ଗାଁର ଜଣେ ଲୋକଙ୍କର ଘରେ ଥିବା ଗ୍ୟାସ୍‌ ଟାଙ୍କି ଫାଟିଯାଇଥିଲା । ଗ୍ୟାସ ଫାଟିବାର ଆବାଜ ଏତେ ଭୟଙ୍କର ଥିଲା ଯେ ଆଖ ପାଖ ଲୋକ ଭୟବିତ୍ତ ହୋଇଯାଇଥିଲେ । ବିସ୍ପୋରଣ ସହ ଘରେ ନିଆଁ ଲାଗିଯାଇଥିଲା । ଯାହା ଫଳରେ ଘରେ ଥିବା ୩ ସଦସ୍ୟ ପୋଡି ହୋଇଯାଇଥିଲେ । କିନ୍ତୁ ବିସ୍ପୋରଣ ପରେ ଜଣା ପଡିଛି କି ଘରେ ବାଣ ମହଜୁଦ ଥିଲା । ଯାହା ଫଳରେ ପୁରା ଘର ଜଳି ପୋଡି ପାଉଁଶ ହୋଇଯାଇଛି । ସ୍ଥାନୀୟ ପରିବାର ଲୋକଙ୍କୁ ଉଦ୍ଧାର କରି ନୀଳଗିରି ଡାକ୍ତରଖାନାରେ ଭର୍ତ୍ତି କରାଇଛନ୍ତି । ତାଙ୍କ ଅବସ୍ଥା ଗୁରୁତର ଥିବା ଜଣାପଡିଛି ।

ଅଧିକ ପଢନ୍ତୁ :ଟ୍ରକକୁ ପିଟିଲା ୧୦୮ ଆମ୍ବୁଲାନ୍ସ