ଭୁବନେଶ୍ୱର: ବଜେଟ୍ ପୂର୍ବରୁ ପୁଣି ବଢିଲା ସୁନା ଦର । ଏବେ ବିବାହ ସିଜିନ୍ ଚାଲିଥିବା ବେଳେ ଲୋକେ ସୁନା କିଣିବାକୁ ଡ଼ରୁଛନ୍ତି । କାରଣ ସୁନା ଦର ଏବେ ଆକାଶ ଛୁଆଁ ହୋଇଛି । ବିଶ୍ୱ ବଜାରରେ ଅସ୍ଥିରତା ପ୍ରଭାବରେ ଉପରମୁହାଁ ହେଉଛି ସୁନ ଦାମ୍ । ଗତ ସପ୍ତାହେ ହେବ ସୁନା ଦର ହଜାର ଟଙ୍କା ଲେଖାଏଁ ବଢିଚାଲିଛି । ବିଶେଷଜ୍ଞଙ୍କ ମତରେ ବିଶ୍ୱବଜାରରେ ଅସ୍ଥିରତା ଏହାର ପ୍ରମୁଖ କାରଣ । ନିରାପଦ ନିବେଶ ଚାହୁଁଥିବା ନିବେଶକାରୀ ଡଲାର ତୁଳନାରେ ସୁନା ୁପରେ ଅଧିକ ନିବେଶ କରୁଥିବାରୁ ଏହାର ଦର ବୃଦ୍ଧି ପାଇବାରେ ଲାଗିଛି । ତେବେ ବିଶ୍ୱ ବଜାରରେ ଏହି ଅସ୍ଥିରତା ଲାଗି ରହିଲେ ଆଗକୁ ସୁନା ଦର ଆହୁରି ବଢିବା ନେଇ ଆକଳନ କରାଯାଉଛି । 

ଶୁକ୍ରବାର ସୁନା ଦର ୮୪ ହଜାର ଟଙ୍କା ଅତିକ୍ରମ କରିଛି । ରାଜଧାନୀ ଭୁବନେଶ୍ୱରରେ ଆଜି ୨୪ କ୍ୟାରେଟ୍ ସୁନା ଦର ୧୦ ଗ୍ରାମ ପିଛା ରହିଛି ୮୪ ହଜାର ୩୩୦ ଟଙ୍କା । ସେହିପରି ୨୨ କ୍ୟାରେଟ୍ ସୁନା ଦର ରହିଛି ୧୦ ଗ୍ରାମ ପିଛା ରହିଛି ୭୭ ହଜାର ୩ଶହ ଟଙ୍କା । 

ଭୁବନେଶ୍ୱର ବ୍ୟତିତ ଦେଶର ବିଭିନ୍ନ ପ୍ରମୁଖ ସହର ମାନଙ୍କରେ ସୁନା ଦରରେ ବୃଦ୍ଧି ଘଟିଛି । ମୁମ୍ବାଇରେ ୨୨ କ୍ୟାରେଟ୍ ସୁନା ଦର ୧୦ ଗ୍ରାମ ପିଛା ୭୪ ହଜାର ୫୧୦ଟଙ୍କା ରହିଥିବା ବେଳେ ନୂଆଦିଲ୍ଲୀରେ ଦର ୭୪ ହଜାର ୬୬୦ ରହିଛି । ସେହିପରି କୋଲକତାରେ ସୁନା ଦର ୭୪ ହଜାର ୫୧୦ ରହିଛି । ଦକ୍ଷିଣ ଭାରତର ପ୍ରମୁଖ ସହର ଚେନ୍ନାଇରେ ୨୨ କ୍ୟାରେଟ ମୂଲ୍ୟ ୭୭,୩୦୦ ଟଙ୍କା ଥିବା ବେଳେ ୨୪ କ୍ୟାରେଟ ମୂଲ୍ୟ ୮୪,୩୩୦ ଟଙ୍କା ଥିବା ରେକର୍ଡ ହୋଇଛି।