ଖଲ୍ଲିକୋଟ: ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା କୈଠଡା ଗାଁରେ ଏକ ଅଭାବନୀୟ ଘଟଣା ଘଟିଛି । ବାଣ ଭିଡୁଥିବାବେଳେ ବିସ୍ଫୋରଣ ଘଟି ଜଣଙ୍କର ମୃତ୍ୟୁ ହୋଇଛି । ମୃତକ ହେଲେ ଗଞ୍ଜାମ ଖଲ୍ଲିକୋଟ ଥାନା ଅନ୍ତର୍ଗତ କଇଠଡ଼ା ଗାଁର ପିଣ୍ଟୁ ପଲେଇ।

ସୂଚନା ଅନୁସାରେ, ଆଲୋକର ପର୍ବ ଦୀପାବଳି ପାଇଁ ବେଆଇନ ଭାବେ ବାଣ ଭିଡୁଥିବାବେଳେ ଅସାବଧାନତା ପାଇଁ ବିସ୍ଫୋରଣ ହୋଇଥିଲା । ବିସ୍ପୋରଣରେ ପିଣ୍ଟୁ ପଲେଇ ଗୁରୁତର ହୋଇଥିଲେ । ତାଙ୍କୁ ଗୁରୁତର ଭାବେ ଉଦ୍ଧାର କରାଯାଇ ଚିକିତ୍ସା ପାଇଁ ଖଲ୍ଲିକୋଟ ମେଡିକାଲରେ ଭର୍ତ୍ତି କରାଯାଇଥିଲା ।  ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା ।  ଖଲ୍ଲିକୋଟ ଥାନା ପୋଲିସ ଖବର ପାଇ, ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।

ଅଧିକ ପଢନ୍ତୁ : ଅପରାହ୍ନ ୩ ଟା ପରେ ଆମ ବସ୍ ସେବା ବନ୍ଦ