ନୟାଗଡ଼: ଡ୍ୟୁଟି ସମୟରେ ବିଶୃଙ୍ଖଳିତ ଆଚରଣ ପ୍ରଦର୍ଶମ କରିବା ପୋଲିସ କର୍ମଚାରୀଙ୍କ ପାଇଁ ମହଙ୍ଗା ସାବ୍ୟସ୍ତ ହୋଇଛି । ୪ ଜଣ ପୋଲିସ କର୍ମଚାରୀଙ୍କୁ ନୟାଗଡ଼ ଏସପି ନିଲମ୍ବିତ କରିଛନ୍ତି । ୩ ଜଣ କନଷ୍ଟେବଳ ଓ ଜଣେ ହାବିଲଦାରଙ୍କୁ ନିଲମ୍ବନ କରାଯାଇଛି । ବ୍ୟକ୍ତିଗତ କାରଣ ଯୋଗୁଁ ନିଜ ଭିତରେ ମାରପିଟ ହୋଇଥିଲା । ଏ ନେଇ ଟାଉନ ଥାନାରେ ଉଭୟ ପକ୍ଷରୁ ମାମଲା ରୁଜୁ ହୋଇଛି । 

ଗତ ଡିସେମ୍ବର ୩୧ ତାରିଖ ରାତିରେ ଜିରୋ ନାଇଟ୍ ସେଲିବ୍ରେସନ ଚାଲିଥିବାବେଳେ ନୟାଗଡ଼ ଥାନା ଅଞ୍ଚଳର ତ୍ରିନାଥ ଛକରେ ୪ ଜଣ ପୋଲିସ କର୍ମଚାରୀଙ୍କ ମଧ୍ୟରେ କାର୍ଡ ଛପାକୁ ନେଇ ବଚସା ହୋଇ ହାତାହାତି ମଧ୍ୟ ହୋଇଥିଲେ । ଏ ନେଇ ଉଭୟ ପକ୍ଷରୁ ଟାଉନ ଥାନାରେ ଅଭିଯୋଗ ହୋଇଛି । ମାତ୍ର ବିଶୃଙ୍ଖଳିତ ଆଚରଣ ପାଇଁ ୪ ଜଣ ପୋଲିସ କର୍ମଚାରୀ ଜିଲ୍ଲା ଏସପି ନିଲମ୍ବନ ଆଦେଶ ଦେଇଛନ୍ତି । ସେମାନେ ହେଲେ ଦିଲ୍ଲୀପ ବେହେରା, ମୁନା ବେହେରା, ସଞ୍ଜୟ ମହାପାତ୍ର ଏବଂ ଦୁର୍ଗାମାଧବ ଦୋରା ।