ରାଜ୍ୟରେ ଜାରି ରହିଛି ଶୀତର ଲହରୀ। ଜାଡ଼ର ପ୍ରଭାବରେ ଥରୁଛନ୍ତି ଓଡ଼ିଶାବାସୀ। ତେବେ ଶୀତ ସହିତ କୁହୁଡି ମଧ୍ୟ ପରିଲିକ୍ଷିତ ହେଉଛି। ଫଳରେ ୫୦ ମିଟର ଦୂର ପର୍ଯ୍ୟନ୍ତ ରାସ୍ତା ମଧ୍ୟ ଦୃଶ୍ୟମାନ ହେଉନାହିଁ। ଆସନ୍ତା ସପ୍ତାହେ ଯାଏଁ ଅର୍ଥାତ ୯ ତାରିଖ ଯାଏ ପାଗ ଶୁଖିଲା ରହିବ। ଆଭ୍ୟନ୍ତରୀଣ ଓଡ଼ିଶାର ବିଭିନ୍ନ ସ୍ଥାନରେ ଶୀତର ପ୍ରକୋପ ଅନୁଭୂତ ହେବ। ଘନକୁହୁଡ଼ି ପାଇଁ ଆଜି ୪ ଜିଲ୍ଲାକୁ ୟେଲୋ ୱାର୍ଣିଂ ଜାରି କରାଯାଇଛି। ତେବେ ଘନ କୁହୁଡି ଯୋଗୁ ଯାନବାହାନ ଚଳାଚଳରେ ବ୍ୟାଘାତ ସ୍ତୃଷ୍ଟି ହେଉଥିବା ବେଳେ ଲୋକଙ୍କ ଗମନାଗମନରେ ବ୍ୟାହତ ହେଉଛି। ତେବେ ପ୍ରାତଃ ଭ୍ରମଣକାରୀ ତଥା ବ୍ୟାୟାମ କରିବାକୁ ବାହାରିଥିବା ଲୋକେ କୁହୁଡିର ମଜା ଉଠାଉଥିବା ଦେଖିବାକୁ ମିଳୁଛି।