ଭୁବନେଶ୍ୱର: ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ଶ୍ରୀ ନବୀନ ପଟ୍ଟନାୟକ ୮୦ ବର୍ଷ ବୟସରେ ପଦାର୍ପଣ କରିଛନ୍ତି। ଏହି ଅବସରରେ ଭୁବନେଶ୍ୱରସ୍ଥିତ ନବୀନ ନିବାସରେ ସକାଳୁ ଶୁଭେଚ୍ଛୁ ଏବଂ ନେତା-କର୍ମୀଙ୍କ ଅଭୂତପୂର୍ବ ଭିଡ଼ ଦେଖିବାକୁ ମିଳିଥିଲା।
ଜନ୍ମଦିନ ଅବସରରେ ବିଜୁ ଜନତା ଦଳ (ବିଜେଡି) ର ସାଂସଦ, ବିଧାୟକ, ଦଳୀୟ କର୍ମକର୍ତ୍ତାଙ୍କ ସମେତ ବିଭିନ୍ନ ବର୍ଗର ଶହ ଶହ ଜନସାଧାରଣ ନବୀନ ନିବାସରେ ପହଞ୍ଚି ତାଙ୍କୁ ସାକ୍ଷାତ କରିବା ସହ ପୁଷ୍ପଗୁଚ୍ଛ ଦେଇ ଉତ୍ସସିତ ଶୁଭେଚ୍ଛା ଜଣାଇଥିଲେ।
'ଆପଣମାନେ ହିଁ Real Gen Z'
ସନ୍ଧ୍ୟା ସମୟରେ ନବୀନ ନିବାସରେ ଏକ ରୋଚକ ପରିବେଶ ସୃଷ୍ଟି ହୋଇଥିଲା। ନିକଟରେ ଛାତ୍ର ସଂସଦ ନିର୍ବାଚନରେ ବିଜୟୀ ହୋଇଥିବା ବିଭିନ୍ନ କଲେଜର ବିଜୁ ଛାତ୍ର ଜନତା ଦଳ (BCJD) ର ଛାତ୍ରଛାତ୍ରୀମାନେ ନବୀନ ପଟ୍ଟନାୟକଙ୍କୁ ଭେଟି ଜନ୍ମଦିନର ଶୁଭକାମନା ଜଣାଇଥିଲେ।
ଛାତ୍ର ସଂଗଠନର ଏହି ବିଜୟୀ ପ୍ରାର୍ଥୀମାନଙ୍କୁ ଭୁରି ଭୁରି ପ୍ରଶଂସା କରିଥିଲେ ବିଜେଡି ସୁପ୍ରିମୋ। ଉତ୍ସାହିତ ଛାତ୍ରନେତାଙ୍କୁ ସମ୍ବୋଧିତ କରି ନବୀନ କହିଥିଲେ, "ଆପଣମାନେ ହିଁ ଅସଲି ‘Real Gen Z'। ଏହାସହ ସମାଜ ଓ ଛାତ୍ରସମାଜର ହିତ ପାଇଁ ନିରନ୍ତର ନିଷ୍ଠାର ସହ ଭଲ କାମ ଜାରି ରଖିବାକୁ ସେ ସେମାନଙ୍କୁ ପରାମର୍ଶ ଓ ଆଶୀର୍ବାଦ ଦେଇଥିଲେ।
Also Read: ଓଡ଼ିଶାରୁ ଫେରିଗଲେ ଡାକ୍ତର ହରିବାବୁ କମ୍ଭମପାଟି