ପୁରୀରୁ ୪୪୨ ଗ୍ରାମର ହାତୀ ଦାନ୍ତ ଜବତ ହୋଇଛି । ପୁରୀ ସେଣ୍ଟ୍ରାଲ ସ୍କୁଲ ପଛପଟେ ଚଢାଉ କରି ଦୁଇ ଖଣ୍ଡ ହାତୀ ଦାନ୍ତ ଜବତ କରିଛି ପୁରୀ ତାଳବଣିଆ ଥାନା ପୋଲିସ ।  ବାପା, ପୁଅଙ୍କ ସମେତ ୩ ଜଣ ଗିରଫ ହୋଇଛନ୍ତି । ଏହା ସହିତ ଗୋଟିଏ ବାଇକ ଜବତ ହୋଇଛି । ଗିରଫ ବ୍ୟକ୍ତି ହେଉଛନ୍ତି ସୁଆର ସାହିର ରାହୁଲ ସିଂହ ,ଦୀପକ କୁମାର ଅଗ୍ରୱାଲ ଓ ତାଙ୍କ ବାପା ଶ୍ୟାମସୁନ୍ଦର ଲାଲ୍। 

ସୂଚନା ଅନୁଯାୟୀ ଗୁରୁବାର ବିଳମ୍ବିତ ଅଭିଯୁକ୍ତ ପୁରୀ ସେଣ୍ଟ୍ରାଲ ସ୍କୁଲ ପଛପଟେ ହାତୀଦାନ୍ତ କିଣାବିକା କରୁଥିଲେ । ଖବର ପାଇଁ ତାଳବଣିଆ ପୋଲିସ ଘଟଣା ସ୍ଥଳରେ ପହଞ୍ଚି ୩ ଅଭିଯୁକ୍ତଙ୍କୁ ଗିରଫ କରିଛି । ଅଭିଯୁକ୍ତ ବ୍ୟାଗରେ ୨ ଖଣ୍ଡ ହାତୀଦାନ୍ତ ନେଇ ବିକ୍ରି କରୁଥିଲେ, ପୋଲିସ ପହଞ୍ଚିବା ଫଳରେ ଚମ୍ପଟ ମାରିବାକୁ ଚେଷ୍ଟା କରୁଥିବାବେଳେ ପୋଲିସ ହାତରେ ଧରାପଡ଼ିଛନ୍ତି ଅଭିଯୁକ୍ତ । ବନ୍ୟପ୍ରାଣୀ ସୁରକ୍ଷା ଆଇନବଳରେ ମାମଲା ରୁଜୁ କରାଯାଇ ସେମାନଙ୍କୁ କୋର୍ଟ ଚାଲାଣ କରାଯିବ।

ଅଧିକ ପଢନ୍ତୁ : ନୀଳଗିରିରେ ଗ୍ୟାସ ସିଲିଣ୍ଡର ଫାଟି ୩ ଗୁରୁତର