ଯାଜପୁର ଜିଲ୍ଲା କଳିଙ୍ଗ ନଗର ଥାନା ଅନ୍ତର୍ଗତ ନଡ଼ିଆଭଙ୍ଗା ବାଉଁଶନଳୀ ଗାଁରେ ଏକ ଅଭାବନୀୟ ଘଟଣା ଘଟିଯାଇଛି । ନଡିଆଭଙ୍ଗା ପଞ୍ଚାୟତର ବାମ ପାର୍ଶ୍ଵ ରେଙ୍ଗାଲି କେନାଲର କାର୍ଯ୍ୟ ଚାଲୁଥିବା ବେଳେ ମାଟି ଅତଡା ଖସି ବାପା ଝିଅ ପୋତି ହୋଇଯାଇଥିଲେ ।  ଫଳରେ ଝିଅଟିର ମୃତ୍ୟୁ ହୋଇଥିବା ବେଳେ ବାପା ଗୁରୁତର ଅବସ୍ଥାରେ ମେଡିକାଲରେ ଭର୍ତି ହୋଇଥିବା ଜଣାପଡିଛି ।  

ସୂଚନା ଅନୁସାରେ ସକାଳୁ ସକାଳୁ ଶୌଚ ହେଵା ପାଇଁ  ବାପ ଝିଅ ଯାଉଥିବା ବେଳେ ହଠାତ ହଟାତ ମାଟି ଅତଡା ଖସି ଯାଇଥିଲା। ଯାହା ଫଳରେ ବାପା ଝିଅ ପୋତି ହୋଇଯାଇଥିଲେ। ସ୍ଥାନୀୟ ଲୋକଙ୍କ ଠାରୁ ଖବରପାଇଁ ସଙ୍ଗେ ସଙ୍ଗେ ଦମକଳ ବାହିନୀ ଓ ସ୍ଥାନୀୟ ପୋଲିସ ଘଟଣା ସ୍ଥଳରେ ପହଞ୍ଚି ପ୍ରଥମେ ବାପାକୁ ଉଦ୍ଧାର କରି ସୁକିନ୍ଦା ସ୍ୱାସ୍ଥ୍ୟ କେନ୍ଦ୍ରକୁ ପଠାଯାଇଥିବା ବେଳେ ଝିଅଟି ମାଟି ଅତଡ଼ା ଭିତରୁ ବାହାରିଲା ପରେ ତାର ମୃତ୍ୟୁ ହୋଇଯାଇଥିବା ଜଣାପଡିଛି । ବାପ ଝିଅ ଦୁଇ ଜଣ ନଡ଼ିଆ ଭଙ୍ଗା ପଞ୍ଚାୟତର ବାଉଁଶନଳୀ ଗ୍ରାମର ଈଶ୍ୱର ମୁଣ୍ଡା ଓ ତାଙ୍କ ଝିଅ ଗୀତା ମୁଣ୍ଡା ହୋଇଥିବା ସୂଚନା ମିଳିଛି। ତେବେ କମ୍ପାନୀ ର ମନମୁଖୀ କାର୍ଯ୍ୟ ପାଇଁ ଅକାଳ ରେ ଜଣେ ଶିଶୁ ର ଜୀବନ ଚାଲିଯାଇଥିବା ଜଣାପଡିଛି ।