ରାଉରକେଲା: ସାମାନ୍ୟ ବଚସାକୁ ନେଇ ଇସ୍ପାତ ନଗରୀ ରାଉରକେଲାରେ ସକାଳୁ ସକାଳୁ ଗୁଳି ଫୁଟିଛି । ଜଣେ ଯୁବକଙ୍କ ଉପରକୁ କିଛି ଦୁର୍ବୃତ୍ତ ଗୁଳି ମାଡ଼ କରିଛନ୍ତି । ଫଳରେ ଯୁବକ ଜଣକ ଆହତ ହୋଇଛନ୍ତି । ଘଟଣାଟି ଘଟିଛି ରାଉରକେଲାର ଟ୍ରାଫିକ ଗେଟ୍ ମାର୍କେଟରେ । ଆହତ ଯୁବକ ଜଣକ ହେଲେ ଅଭ୍ୟାସ ରାୟ । ତାଙ୍କୁ ଆରଜିଏଚ୍ରେ ମେଡ଼ିକାଲରେ ଭର୍ତ୍ତି କରାଯାଇଛି।
ସୋମବାର ସକାଳୁ ରାଉରକେଲା ଟ୍ରାଫିକ ଗେଟ୍ ମାର୍କେଟ ନିକଟରେ କୌଣସି କଥାକୁ ନେଇ ଅଭ୍ୟାସ ରାୟ ଓ ୩ ଜଣ ଯୁବକଙ୍କ ସହ ଯୁକ୍ତି ତର୍କ ହୋଇଥିଲା । ଏହି ଯୁକ୍ତି ଧିରେ ଧିରେ ବଢ଼ି ଉଗ୍ରରୂପ ନେଇଥିଲା । ଏହା ସେମାନେ ଅଭ୍ୟାସଙ୍କ ଉପରକୁ ଅଚାନକ ଗୁଳି ମାଡ଼ କରିଥିଲେ । ଏହା ପରେ ଘଟଣାସ୍ଥଳରୁ ଫେରାର ହୋଇଯାଇଥିଲେ । ସ୍ଥାନୀୟ ଲୋକ ତାଙ୍କୁ ଉଦ୍ଧାର କରି ମେଡ଼ିକାଲରେ ଭର୍ତ୍ତି କରିଛନ୍ତି । ତାଙ୍କର ସ୍ୱାସ୍ଥ୍ୟାବସ୍ଥା ସ୍ଥିର ରହିଛି ।
ତେବେ ସେମାନେ କାହିଁକି ତାଙ୍କ ଉପରେ ଗୁଳି ମାଡ଼ କରିଛନ୍ତି ସେ ନେଇ କିଛି ସ୍ପଷ୍ଟ କାରଣ ଜଣା ପଡ଼ି ନାହିଁ । ଏ ନେଇ ପୁଲିସରେ ଅଭିଯୋଗ ହୋଇଛି । ପୁଲିସ ଘଟଣାସ୍ଥଳରେ ପହଁଚି ତଦନ୍ତ ଆରମ୍ଭ କରିଛି ।