ଭଦ୍ରକ: ଭଦ୍ରକ ଜିଲ୍ଲା ବାସୁଦେବପୁର ବ୍ଲକ୍ ବେତଡ଼ା ଛକ ନିକଟସ୍ଥ କଲଭର୍ଟରୁ ଗୋଟିଏ ମଣିଷ କଙ୍କାଳ ଉଦ୍ଧାର କରାଯାଇଛି । ଏକ ଅଖା ଭିତରୁ ମଣିଷ କଙ୍କାଳ ମିଳିଛି । ବାସଦେବପୁର ଥାନା ପୋଲିସ କଙ୍କାଳକୁ ଜବତ କରିଛି । 

ମିଳିଥିବା ପ୍ରାଥମିକ ସୂଚନା ମୁତାବକ, ବାସୁଦେବପୁର-ଧାମରା ରାସ୍ତା ବେତଡ଼ା ଛକ ନିକଟରେ ରାକେଶ ବିନ୍ଧାଣୀ ନାମକ ଜଣେ ସ୍ଥାନୀୟ ବାସିନ୍ଦା ମାଛ ଧରିବାକୁ ନିକଟସ୍ଥ କଲଭର୍ଟକୁ ଯାଇଥିଲେ । ଏହି ସମୟରେ ତାଙ୍କ ଜାଲରେ ମଣିଷ ଖପୁରୀ, ଦାନ୍ତ ଏବଂ ହାଡ଼ ଆଦି ମିଳିଥିଲା । ଏ ନେଇ ସେ ବାସୁଦେବପୁର ଥାନାକୁ ଜଣାଇଥିଲେ । ପୋଲିସ ଏବଂ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଁଚି ଛାନଭିନ କରିଥିଲେ । କିଛି ସମୟ ପରେ ଅଗ୍ନିଶମ ବାହିନୀକୁ ଗୋଟିଏ ଅଖା ଭିତରୁ ମଣିଷ କଙ୍କାଳ ମିଳିଥିଲା । 

ପୋଲିସ କଙ୍କାଳକୁ ଜବତ କରିଛି । ତେବେ ଏ ମୃତ ଦେହ କାହାର ଏଠାକୁ କେମିତି ଆସିଲା ସେ ନେଇ କିଛି ସ୍ପଷ୍ଟ ହୋଇପାରି ନ ଥିବାବେଳେ ପୋଲିସ ପଚରାଉଚରା ଆରମ୍ଭ କରିଛି ।