ଜୀବନ ନେଲା ମୁକୁଳା ଡ୍ରେନ୍ । ଏପରି ଏକ ଅଭାବନୀୟ ଘଟଣା ପୁରୀ ଜିଲ୍ଲା କୁମ୍ଭାରପଡ଼ା ଥାନା ଅନ୍ତର୍ଗତ ଗଜପତି ନଗରରେ ଘଟିଛି । ମୁକୁଳା ଡ୍ରେନ୍ରେ ଖସି ପଡ଼ି ଜଣେ ଯୁବକଙ୍କ ମୃତ୍ୟୁ ହୋଇଛି । ମୃତ ଯୁବକ ଜଣଙ୍କ ହେଉଛନ୍ତି ପୁରୀ ଗଜପତି ନଗରର ବୋଲି ଜଣାପଡିଛି ।
ସୂଚନା ଅନୁସାରେ, ଆଜି ଯୁବକ ଜଣକ ମୁକୁଳା ଡ୍ରେନ୍ ପାଖରେ ଥିବା ସମୟରେ କୌଣସି କାରଣରୁ ଡ୍ରେନରେ ପଡିଯାଇଥିଲେ। ଫଳରେ ତାଙ୍କର ମୃତ୍ୟୁ ହୋଇଯାଇଛି। ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି । ପରିବାରରେ ଦୁଃଖର ଛାୟା ଖେଳି ଯାଇଛି । କିପରି ମୁକୁଳା ଡ୍ରେନରେ ପଡିଲେ ତାହା ଅସ୍ପଷ୍ଟ ରହିଛି ।