ବାଲେଶ୍ୱର ; ଆତଙ୍କ ଖେଳାଉଛି ପାଗଳା କୁକୁର । ବାଲେଶ୍ୱର ଜିଲ୍ଲା ସୋର ଥାନା ବାଗୁଡି ବଜାରରେ ପାଗଳ କୁକର କାମୁଡାରେ ୬ ଜଣ ଗୁରୁତର ହୋଇଛନ୍ତି । ଗୁରୁତର ମାନେ ଏବେ ଡାକ୍ତରଖାନାରେ ଚିକିତ୍ସିତ ହେଉଥିବା ଜଣାପଡିଛି । 

ସୂଚନା ଅନୁସାରେ ଆଜି ସକାଳେ ଜଣେ ଦୋକାନୀ ବାଗୁଡି ବଜାରରେ ଥିବା ତାଙ୍କ ଦୋକାନ ଖୋଲିବାକୁ ଆସିଥିଲେ । ଏହି ସମୟରେ ସେ ପ୍ରଥମେ କୁକୁର ଆକ୍ରମଣର ଶିକାର ହୋଇଥିଲେ । ପରେ ପାଗଳା କୁକୁରଟି ରାସ୍ତାରେ ଯାହାକୁ ଦେଖିଲା ଗୋଡାଇ ଗୋଡାଇ କାମୁଡିଲା । ଯାହା ଫଳରେ ୬ ଜଣ ଗୁରୁତର ଆହତ ହୋଇଥିବା ବେଳେ ସେମାନଙ୍କୁ ସୋର ମେଡିକାଲରେ ଭର୍ତ୍ତି କରାଯାଇଛି । ଯାହାକୁ ନେଇ ସ୍ଥାନୀୟ ଅଂଚଳରେ ଭୟର ବାତାବରଣ ସୃଷ୍ଟି ହୋଇଛି ।