ଆଜି ମେ ୧ ତାରିଖ । ପ୍ରତି ମାସର ପ୍ରଥମ ତାରିଖରେ ସରକାର ଅନେକ ନିୟମ ପରିବର୍ତ୍ତନ କରନ୍ତି। ଏହି ଦିନ ଗ୍ୟାସ ସିଲିଣ୍ଡରଠାରୁ ଆରମ୍ଭ କରି ପେଟ୍ରୋଲ ଏବଂ ଡିଜେଲ ପର୍ଯ୍ୟନ୍ତ ସବୁକିଛିର ମୂଲ୍ୟ ନିର୍ଣ୍ଣୟ କରାଯାଏ। ଏଗୁଡ଼ିକ ବ୍ୟତୀତ, ଆଜି ଅର୍ଥାତ୍ ୧ ମଇରୁ ଅନେକ ଆର୍ଥିକ ପରିବର୍ତ୍ତନ ଘଟୁଛି, ଯାହା ଆପଣଙ୍କ ପକେଟ ଉପରେ ସିଧାସଳଖ ପ୍ରଭାବ ପକାଇବ। ସାରା ଦେଶରେ ସର୍ବାଧିକ ବ୍ୟବହୃତ କ୍ଷୀର ଅମୂଲ କ୍ଷୀର ପାଇଁ ମଧ୍ୟ ଆପଣଙ୍କୁ ଅଧିକ ଟଙ୍କା ଖର୍ଚ୍ଚ କରିବାକୁ ପଡ଼ିପାରେ। 

ଆଜିଠାରୁ କେଉଁ ନିୟମ ପରିବର୍ତ୍ତନ ହେଉଛି ଆସନ୍ତୁ ଜାଣିବା:

୧- ଅମୂଲ କ୍ଷୀର ମହଙ୍ଗା: ମଦର ଡେୟରୀ ଓ ବେରକା ବ୍ରାଣ୍ଡ ପରେ ଅମୂଲ ମଧ୍ୟ ସାରା ଦେଶରେ କ୍ଷୀରର ଦାମ ଲିଟର ପିଛା ୨ ଟଙ୍କା ବୃଦ୍ଧି କରିଛି । ଆଜିଠାରୁ ନୂଆ ନିୟମ ଲାଗୁ ହୋଇଛି ।

୨- ରେଲଓ୍ବେ ଟିକେଟ ବୁକିଂ ନିୟମ ପରିବର୍ତ୍ତନ: ଭାରତୀୟ ରେଲଓ୍ବେ ତରଫରୁ ନିୟମ ବଦଳିଛି । ଏବେ ସ୍ଲିପର ଓ ଏସି କୋଚରେ ଓ୍ବେଟିଂ ଟିକେଟ ମାନ୍ୟ ହେବ ନାହିଁ । ଅଗ୍ରୀମ ସଂରକ୍ଷଣର ଅବଧି ୧୨୦ ଦିନକୁ ହ୍ରାସ କରାଯାଇ ୬୦ ଦିନ କରାଯାଇଛି ।

୩- ଏଲପିଜି ସିଲିଣ୍ଡର ଦାମରେ ସଂଶୋଧନ: ପ୍ରତି ମାସର ୧ ତାରିଖରୁ ଏଲପିଜି ସିଲିଣ୍ଡରର ଦାମ୍ ସମୀକ୍ଷା କରାଯାଇଥାଏ । ୧ ମେରେ ଘରୋଇ ଓ ବ୍ୟବସାୟିକ ସିଲିଣ୍ଡରର ଦାମରେ ପରିବର୍ତ୍ତନ ସମ୍ଭାବନା ରହିଛି ।

୪- ଏଟିଏମ୍ ଓ ସିଏନଜି-ପିଏନଜି ଦାମରେ ପରିବର୍ତ୍ତନ: ଆଜି ଠାରୁ ଏୟାର ଟର୍ବାଇନ ଫୁଏଲ (ଏଟିଏଫ), କମ୍ପ୍ରେସଡ ନ୍ୟାଚୁରାଲ ଗ୍ୟାସ (ସିଏନଜି), ଓ ପାଇପଡ ନ୍ୟାଚୁରାଲ ଗ୍ୟାସ (ପିଏନଜି)ର ଦରରେ ପରିବର୍ତ୍ତନ ସମ୍ଭାବନା ରହିଛି ।

୫- ବ୍ୟାଙ୍କ ସୁଧ ଦର ପରିବର୍ତ୍ତନ ସମ୍ଭାବନା: ଆରବିଆଇ ଦ୍ବାରା ନିକଟରେ ରେପୋ ରେଟ କଟ୍ ପରେ ଅନେକ ବ୍ୟାଙ୍କ ସ୍ଥାୟୀ ଜମା (ଏଫଡି) ଓ ସେଭିଙ୍ଗ ଆକାଉଣ୍ଟ ଉପରେ ସୁଧ ଦରରେ ପରିବର୍ତ୍ତନ କରିଛନ୍ତି । ଏହା ଗ୍ରାହକଙ୍କ ଆର୍ଥିକ ସ୍ଥିତିକୁ ପ୍ରଭାବିତ କରିପାରେ ।

୬- ବ୍ୟାଙ୍କ ଛୁଟି: ଚଳିତ ମାସରେ ବିଭିନ୍ନ ଉତ୍ସବ ଓ ସପ୍ତାହାନ୍ତ କାରଣରୁ ବ୍ୟାଙ୍କ ୧୨ ଦିନ ବନ୍ଦ ରହିବ । ତେଣୁ ବ୍ୟାଙ୍କରେ ଜରୁରୀ କାମ ଥିଲେ ଆଗୁଆ ସାରିଦେବାକୁ ଗ୍ରାହକଙ୍କୁ ପରାମର୍ଶ ଦିଆଯାଇଛି ।

୭- ଏଟିଏମ୍ ନେଣଦେଣରେ ଅଧିକ ଖର୍ଚ୍ଚ: ଆଜିଠାରୁ ଏଟିଏମରୁ ନେଣଦେଣ ଶୁଳ୍କ ୨୧ ଟଙ୍କାରୁ ୨୩ ଟଙ୍କାକୁ ବୃଦ୍ଧି କରାଯାଇଛି । ଏହି ଚାର୍ଜ ବିତ୍ତୀୟ ଓ ଅଣ-ବିତ୍ତୀୟ ଉଭୟ କ୍ଷେତ୍ରରେ ଲାଗୁ ହେବ ।