ଗଞ୍ଜାମ : ସାରା ଦେଶରେ ଆରମ୍ଭ ହୋଇ ଯାଇଛି ହର ଘର ତ୍ରିରଙ୍ଗା କାର୍ଯ୍ୟକ୍ରମ। ଏହି ଅଭିମୁଖେ ସମଗ୍ର ଭାରତ ବର୍ଷ ହୋଇ ଉଠିଛି ଉତ୍ସବ ମୁଖର।  ଗଞ୍ଜାମ ଜିଲ୍ଲାର ଚିକିଟି ବ୍ଲକ ତରଫରୁ ଚିକିଟି ମିନୀ ଷ୍ଟାଡିୟମ ଠାରେ ଗୋଷ୍ଠି ଉନ୍ନୟନ ଅଧିକାରୀଙ୍କ ତତ୍ତ୍ଵାବଧାନରେ ଅନୁଷ୍ଠିତ ହୋଇ ଯାଇଅଛି ହର ଘର ତ୍ରିରଙ୍ଗା କାର୍ଯ୍ୟକ୍ରମ । ଏହି କାର୍ଯ୍ୟକ୍ରମରେ ଚିକିଟି ବ୍ଲକ ଅନ୍ତର୍ଗତ ବହୁ ସ୍କୁଲ କଲେଜର ଛାତ୍ର ଛାତ୍ରୀ, ଏନସିସି ଓ ସ୍କାଉଟ ଛାତ୍ର ଛାତ୍ରୀମାନଙ୍କ ସହ ସ୍ଥାନୀୟ  ସଧାରଣ ଲୋକମାନେ ମଧ୍ୟ ଯୋଗ ଦେଇଥିଲେ। ପରବର୍ତ୍ତୀ ସମୟରେ ସ୍ଥାନୀୟ ବିଧାୟକ ମନୋରଞ୍ଜନ ଦ୍ୟାନ ସାମନ୍ତରା ବ୍ଲକ ତରଫରୁ ଆୟୋଜନ କରାଯାଇଥିବା ଶୋଭାଯାତ୍ରାକୁ ପତାକା ଦେଖାଇ ଶୁଭାରମ୍ଭ କରିଥିଲେ। ଯଶଶ୍ଵି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ବାନ କ୍ରମେ ଘରେ ଘରେ ତ୍ରିରଙ୍ଗା ସହ ପ୍ରତିଟି ଓଡ଼ିଆଙ୍କ ଭିତରେ ରାଷ୍ଟ୍ରଭକ୍ତିର ଜାଗରଣ ନିମନ୍ତେ ଏକ ଶୋଭାଯାତ୍ରା ଅନୁଷ୍ଠିତ ହୋଇ ଯାଇଛି। ଚିକିଟି ମିନି ଷ୍ଟାଡିୟମ  ଠାରୁ ଏହି ପଦଯାତ୍ରା ବାହାରି ଚିକିଟି ପେଣ୍ଠ, ଓ ବସ ଷ୍ଟାଣ୍ଡ ପର୍ଯ୍ୟନ୍ତ ଲୋକଙ୍କୁ ସଚେତନତାର ବାର୍ତ୍ତା ବାଣ୍ଟିବା ସହ ସହର ପରିକ୍ରମା କରିଥିଲା।