ଓଡିଶା ଜଙ୍ଗଲରେ ୩୦ ମହାବଳ ବାଘ ଅଛନ୍ତି । ଓଡ଼ିଶାରେ ସରିଛି ବାଘ ଗଣନା । ରାଜ୍ୟର ବାଘ ଗଣନା ରିପୋର୍ଟ ଆସିଛି । ଏହି ରିପୋର୍ଟରେ ଓଡ଼ିଶାର ଜଙ୍ଗଲରେ ବାଘ ସଂଖ୍ୟା ବଢିଥିବା ସୂଚନା ମିଳିଛି । ଓଡ଼ିଶାରେ ଅଛନ୍ତି ୩୦ ମହାବଳ ବାଘ ଓ ୮ ବାଘ ଛୁଆ । ୩୦ ମହାବଳ କେବଳ ଶିମିଳିପାଳରେ ୨୪ ମହାବଳ ବାଘ ରହୁଛନ୍ତି । 

ସେହିପରି ଓଡ଼ିଶାରେ ଥିବା ୮ଟି ବାଘ ଛୁଆ ମଧ୍ୟ ଶିମିଳିପାଳରେ ଅଛନ୍ତି। କିଛି ଦିନ ପୂର୍ବରୁ ରାଜ୍ୟରେ ବାଘ ଗଣନା ଚାଲିଥିଲା । ଆସିଥିବା ଏହି ବାଘ ଗଣନା ରିପୋର୍ଟ ପାଇଁ ବନ ବିଭାଗ ଖୁସିବ୍ୟକ୍ତ କରିଛନ୍ତି । ପ୍ରଥମ ଥର ପାଇଁ ରାଜ୍ୟରେ ବାଘ ଗଣନା ଆକଳନ କରାଯାଇଥିଲା । ଆଧୁନିକ କ୍ୟାମେରା ଦ୍ୱାରା ବାଘଗୁଡ଼ିକର ପଦ ଚିହ୍ନ ଓ ଫଟୋଚିତ୍ରକୁ ଦେଖି ଗଣନା କରାଯାଇ ଏହି ରିପୋର୍ଟ ପ୍ରସ୍ତୁତ ହୋଇଛି । ତେବେ ରାଜ୍ୟରେ ୩୦ ମହାବଳ ବାଘ ମଧ୍ୟରୁ ୧୪ ବାଘୁଣୀ ଥିବା ସୂଚନା ମିଳିଛି । ଅନ୍ୟ ପଟେ ଶିମିଳିପାଳରେ ଆଉ ୩ ମହାବଳ ବାଘ ଚିହ୍ନଟ ହୋଇଛନ୍ତି । କିନ୍ତୁ କ୍ୟାମେରା ଟ୍ରାପରେ ତାହା ସ୍ପଷ୍ଟ ହୋଇନାହିଁ ।