ଢେଙ୍କାନାଳ: ସ୍କୁଟିକୁ ଧକ୍କା ଦେଲା କାର। ଏହି ଦୁର୍ଘଟଣାରେ ଶାଶୂଙ୍କର ମୃତ୍ୟୁ ହୋଇଥିବା ବେଳେ ଅଳ୍ପକେ ବର୍ତ୍ତିଲେ ଝିଅ ଜ୍ୱାଇଁ। ତେବେ ମୃତକ ପରଜଙ୍ଗ ଥାନା କଙ୍କିଳି ଗାଁର ରଞ୍ଜୁଲତା ବିଶ୍ୱାଳ ବୋଲି କନପଡିଛି। ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ୫୩ ନଂ ଜାତୀୟ ରାଜପଥର ମୁକ୍ତାପଶି ମେଡିକାଲ ଛକ ନିକଟରେ ଘଟିଛି ଏହି ମର୍ମନ୍ତୁଦ ଘଟଣା। 

ସୂଚନା ଅନୁସାରେ, ରଞ୍ଜୁଲତା ନିଜ ଜ୍ୱାଇଁ ଓ ଝିଅ ସହିତ ବଡଝରା ଗାଁରୁ କଙ୍କିଳି ଗାଁକୁ ଫେରୁଥିବା ବେଳେ କାମାକ୍ଷାନଗର ଆଡୁ ପରଜଙ୍ଗ ଆଡକୁ ଦ୍ରୁତ ଗତିରେ ଆସୁଥିବା ଏକ କାର ଧକ୍କା ଦେଇଥିଲା। ତେବେ ଘଟଣା ସ୍ଥଳରେ ହିଁ ରଞ୍ଜୁଲତାଙ୍କର ମୃତ୍ୟୁ ହୋଇଥିଲା। ଘଟଣା ସ୍ଥଳରେ କାର ଛାଡି ଡ୍ରାଇଭର ଫେରାର ମାରିଥିଲା। ଯାହାକୁ ନେଇ କ୍ଷତି ପୂରଣ ଦାବିରେ ଜାତୀୟ ରାଜପଥ ଉପରେ ଶବ ରଖି ସ୍ଥାନୀୟ ଲୋକମାନେ ଆନ୍ଦୋଳନ କରିଥିଲେ। ଖବର ପାଇ କାମାକ୍ଷାନଗର ପୋଲିସ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝା ସୁଝା କରିଛି।