କୂଅରୁ ନିଖୋଜ ଯୁବକଙ୍କ ମୃତଦେହ ଉଦ୍ଧାର । ହତ୍ୟା ଅଭିଯୋଗ କଲେ ପରିବାର ଲୋକେ । ଏପରି ଏକ ଘଟଣା ଘଟିଛି ବଲାଙ୍ଗିର ଜିଲ୍ଲା ପୁଇଁତଲା ଥାନା ଖଲିଆପାଲି ଗାଁରେ । ଏଭଳି ଘଟଣାର କାରଣ ମଦ ବୋଲି ଜଣାପଡିଛି ।

ସୂଚନା ଅନୁସାରେ, ଗତ ରବିବାର ଦିନ ଗାଁର ମୃତ ଯୁବକ ଓ ଅନ୍ୟ ବ୍ୟକ୍ତିଙ୍କ ସହ  ମଦ ପିଇବାକୁ ନେଇ ଝଗଡା ହୋଇଥିଲା। ସଂଧ୍ୟାରୁ ଆଉ ଘରକୁ ଫେରିନଥିଲେ ଯୁବକ । ଘର ଲୋକ ବୋହୁ ଖୋଜାଖୋଜି କଲା ପରେ ନିଖୋଜ ନେଇ ପୁଇଁତଲା ଥାନାରେ ଲିଖିତ ଅଭିଯୋଗ କରିଥିଲେ। ଆଜି ସକାଳୁ ଗାଁ ମୁଣ୍ଡରେ ଥିବା ଏକ କୂଅରେ ଯୁବକଙ୍କ ଶବ ଭାସୁଥିବା ଦେଖିବାକୁ ପାଇଥିଲେ ଗାଁ ଲୋକେ । ପୁଇଁତଲା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଥିଲା। ସାର୍ଟରେ ରକ୍ତର ଛିଟା ଥିବା ବେଳେ,ନାକ କାନରେ ଆଘାତ ଲାଗିଛି | ତେଣୁ ଯୁବାଳକକୁ ହତ୍ୟା ପରେ କୂଅରେ ଫିଙ୍ଗି ଦିଆଯାଇଥିବା ଅଭିଯୋଗ କରିଛନ୍ତି ପରିବାର ଲୋକେ। ବଲାଙ୍ଗିର ପୋଲିସ  ବାଗ ଘଟଣାସ୍ଥଳରେ ପହଞ୍ଚି ତଦନ୍ତ ଜାରୀ ରଖିଛନ୍ତି ।

ଅଧିକ ପଢନ୍ତୁ : ଛାତ୍ରକୁ ପଥରରେ ଛେଚି କରାଯାଇଛି ହତ୍ୟା