ଦୀର୍ଘ ଦିନର ଦାବି ପରେ ନିଜର ଅଧିକାର ଫେରି ପାଇଛନ୍ତି ଦୁରୁଆ ସଂପ୍ରଦାୟ। ଅବିଭକ୍ତ କୋରାପୁଟ ଜିଲ୍ଲାରେ ବସବାସ କରୁଥିବା ଏହି ଲୋକେ  ଆଦିବାସୀ ମାନ୍ୟତା ପାଇବା ପାଇଁ ବ୍ଲକସ୍ତରରୁ ଜିଲ୍ଲାସ୍ତର, ରାଜ୍ୟସ୍ତରରେ ଆନ୍ଦୋଳନ କରି ଆସିବା ସହ ନିର୍ବାଚନକୁ ବି ବର୍ଜନ କରିଥିଲେ। 

ଶେଷରେ ଦୀର୍ଘ ବର୍ଷର ସଂଘର୍ଷ ଆଉ ଆନ୍ଦୋଳନ ପରେ ଏହି ଦୁରୁଆ ସଂପ୍ରଦାୟକୁ ଆଦିବାସୀ ମାନ୍ୟତା ମିଳିଛି । ଏଥିପାଇଁ କୋରାପୁଟ ଜିଲ୍ଲା ବୈପାରୀଗୁଡା ଅନ୍ତର୍ଗତ ସରିଷପଦର ଠାରେ ଦେଖିବାକୁ ମିଳିଛି ଆନନ୍ଦର ଲହରୀ । ପାରମ୍ପରିକ ବାଜା ସହ ଚାଲିଛି ଗୀତ ନାଚ କରି ଉତ୍ସବ ପାଳୁଛନ୍ତି। ଏହି ଜନଜାତିର ବେଶ ଭୁଷା ଚାଲି ଚଳନ ସବୁ ଆଦିବାସୀଙ୍କ ସହ ମେଳ ଖାଉଥିଲା କିନ୍ତୁ କୌଣସି ପ୍ରକାର ତ୍ରୁଟି କାରଣରୁ ଏମାନଙ୍କୁ ଆଦିବାସୀ ମାନ୍ୟତା ମିଳୁନଥିଲା। ମାନ୍ୟତା ନ ମିଳିବା କାରଣରୁ ଏମାନଙ୍କ ପିଲାଙ୍କ ପାଠ ପଢ଼ାରେ ଏବଂ ଚାକିରୀ କ୍ଷେତ୍ରରେ ଅସୁବିଧା ହେଉଥିଲା। ତେଣୁ ଦୁରୁଆ ସମ୍ପ୍ରଦାୟ ମଧ୍ୟ ବିଭିନ୍ନ ସ୍ଥାନରେ ଧାରଣାରେ ବସିଥିଲେ । ଏମାନଙ୍କୁ ଆଦିବାସୀ ମାନ୍ୟତା ଦେବା ପାଇଁ ବିଭିନ୍ନ ରାଜନୈତିକ ଦଳ ମଧ୍ଯ ଦାବି କରିଥିଲେ। ତେବେ ପରିଶେଷରେ କେନ୍ଦ୍ର ସରକାରଙ୍କ ଦ୍ୱାରା ଏମାନଙ୍କୁ ଆଦିବାସୀ ମାନ୍ୟତା ଦିଆ ଯାଇଛି।

ଅଧିକ ପଢନ୍ତୁ: ପପୁଆ ନିୟୁ ଗିନିରେ ଜନଜାତି ସଂଘର୍ଷ; ୬୦ରୁ ଅଧିକ ମୃତ