ପୁରୀ : ଆସନ୍ତାକାଲି ପୁରୀ ବେଳାଭୂମିରେ ଅନୁଷ୍ଠିତ ହେବ ନୌସେନା ଦିବସ। ଏଥିପାଇଁ କିଛିଦିନ ପୂର୍ବରୁ ବ୍ୟାପକ ପ୍ରସ୍ଥୁତି କରାଯାଇଛି। ପ୍ରତିଦିନ ନୌସେନା ତରଫରୁ ଡେମୋ ସୋ କରାଯାଉଥିବା ଦେଖିବାକୁ ମିଳିଛି। ତେବେ ଆସନ୍ତା କାଲି ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଯୋଗଦେବେ। ମହାମହିମଙ୍କ ଆତିଥ୍ୟ ପାଇଁ ବ୍ୟାପକ ବନ୍ଦୋବସ୍ଥ କରାଯାଇଥିବା ବେଳେ ସମ୍ପୁର୍ଣ୍ଣ ସଜେଇ ହୋଇଛି ରାଜଭବନ। ବ୍ୟାପକ ସୁରକ୍ଷା ବ୍ୟବସ୍ଥା ସହିତ ପ୍ରତ୍ୟେକ ଛକରେ ପୋଲିସ ପହରା ଦେଉଥିବା ଦେଖିବାକୁ ମିଳିଛି। ଏଥିସହିତ ରାଜଭବନକୁ ଅନେକ ଆଲୋକମାଳାରେ ସଜାଯାଇଥିବା ବେଳେ ନୌସେନାର ଉଚ୍ଚପଦସ୍ତ ଅଧିକାରୀ ମାନେ ରାଜଭବନର ବିଭିନ୍ନ ସ୍ଥାନରେ ନିୟୋଜିତ ହୋଇଥିବା ଦେଖିବାକୁ ମିଳିଛି।