ବାଲେଶ୍ୱର: ବାଲେଶ୍ୱରରେ ଅଜଣା ଗାଡି ଧକ୍କାରେ ଜଣେ ଗୁରୁତର ହୋଇଛନ୍ତି। ଗୁରୁତର ଅବସ୍ଥାରେ ତାଙ୍କୁ ବାଲେଶ୍ୱର ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।

ସୂଚନା ଅନୁସାରେ, ବାଲେଶ୍ୱର ଜିଲ୍ଲା ଭୋଗରାଇ ବ୍ଲକ ଗୁଣସାର୍ଥ ପଂଚାୟତର ପି.ଇ.ଓ ଭାବେ କାର୍ଯ୍ୟ କରୁଥିବା ବଳରାମ ପତି ନିଜର ଅଫିସ କାମ ସାରି ବାଇକ ଯୋଗେ ଘରକୁ ଫେରୁଥିବା ବେଳେ ରେଳପଟା ଠାରେ ଅଜଣା ଗାଡି ତାଙ୍କୁ ଧକ୍କା ଦେଇଥିଲା। ଫଳରେ ବଳରାମ ପତି ରାସ୍ତାରେ ପଡି ଯାଇ ଗୋଡ଼ ଓ ହାତ କ୍ଷତ ବିକ୍ଷତ ହେବା ସହିତ ମୁଣ୍ଡରେ ଜୋର ଆଘାତ ଲାଗିଥିଲା। ଦୁର୍ଘଟଣାସ୍ଥଳରୁ ଗାଡ଼ି ଫେରାର ହୋଇଥିବାବେଳେ ସ୍ଥାନୀୟ ଲୋକେ ଗୁରୁତର ଅବସ୍ଥାରେ ବଳରାମ ପତିଙ୍କୁ କମର୍ଦ୍ଦା ଗୋଷ୍ଟୀ ସ୍ଵାସ୍ଥ କେନ୍ଦ୍ରରେ ଭର୍ତ୍ତି କରିଥିଲେ। ତାଙ୍କର ସ୍ଵାସ୍ଥ ଅବସ୍ଥା ଅଧିକ ଗୁରୁତର ହେବାରୁ ବାଲେଶ୍ୱର ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।